Help:Vandalisme
Dit artikel is gesjreve in 't Mestreechs. Es te 't wèls umzètte nao 't AGL maag dat.
Vandalisme op Wikipedia is 't doelbewus verliege vaan de kwaliteit vaan de encyclopedie. Bij alle bijdrage die weliswaar neet constructief zien mer neet es eineg doel höbbe de wiki te verstore moot weure oetgegaange vaan goje wèl. Bij herhaold vandalisme weurt 't IP-adres of 't account veur korten tied geblokkeerd.
Vandalisme in de ing zin vaan 't woord op Wikipedia besteit oet:
1. touwveuginge die niks mèt 't oonderwerp vaan doen höbbe (sjellerij, reclame, geklieder, experimiente die in de zandbak toeshure, enzoevoort)
2. 't zoonder euverlègk verwijdere vaan dudelek relevante informatie (leegmake vaan 'n paasj)
3. informatie touwveuge of verandere die misleidend is (dink daobij ouch aon ciefer- of datumvandalisme)
4. 't plaotse vaan 'n nui extern link op 'n paasj die neet strik mèt de paasj vaan doen heet
5. 't plaotse vaan bestande die aonzètte tot haat, geweld of zjaloezei.
In breijer zin vaan 't woord is ouch 't volgend gedraag 'ne vörm vaan vandalisme:
6. het herhaold en in korten tied touwveuge en/of verwijdere vaan steeds dezelfde gegeves zoonder te perbere consensus te bereike op de euverlègkpaasj of nao aandere te luustere: 'ne bewèrkingsoorlog
7. het stug doorgoon mèt wijzige na herhaolde aonmaning door mierdere Wikipediane um 't wijzige te stake
Wat betröf gebrukerspagina's vaan aander Wikipediane is 't verstendeg om hiel trökhawwend te zien bij eventueel wijziginge. Dit weurt door sommege Wikipediane es vandalisme ervare.