Helle (reveer)
- Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Eupener, es te dit dialek sjpriks.
De Helle (Duutsj:Hill) is 'n ziejreveer van de Vesder en oontsjpringt bie de Baraque Michel, sjteumt över 't Hoeëg Ven en mondt in Eupe 25 km wieër oet in de Vesder. Belangriekste ziejrevere van de Helle zeunt d'r Spoorbach en de Soor.
De Helle es sjtaotsgrens bewirk
In d'r Romeinse tied waor de reveer de grens tösje de gebiede Tongere („Civitas Tungrorum“) en Kölle („Civitas Agrippinensium“).
Van in de late middelieëwe bies in 't jaor 1795 vörmde de reveer de grens tösje versjèjje gebiede. Zoe waor hie de grens tösje 't Hertogdom Limburg en 't Hertogdom Luxemburg, en wieër noordelek tösje Limburg en 't Hertogdom Gulik.
In de periode 1815-1830 sjèjde de reveer Pruusse van 't Verenigd Köninkriek der Nederlande, vanaaf 1830 (nao de Belzje Revolutie) vörmde ze de grens tösje Pruusse en Belsj.
In 1952 waoërt 'ne oonderhaove km lange verbeendingstunnel gegrave tösje de Helle en d'r Wesersjtuwdam öm 't groeët waterverbruuk van de textielindustrie baeëter te kènne regulere. Oongeveer de helft van häöre waeg sjtroomt de reveer dör 't Natuurpark Hoeëg Ven-Eifel.
