Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


De Helenavaart tösse Helenaveen en Griendsveen

Helenaveen is e dörp in hoeëgveengebied van de Pieël, gelaege in zuudoeëste van de gemeinte Deurne in de provincie Noord-Braobant, taege de grens mit de provincie Limburg. 't Dörp telt óngevier 900 inwoeëners. Helenaveen woort in 1853 gestich door de Bossche arsjitek Jan van de Griendt en hae verneumde 't dörp nao zien vrouw Helena Panis. Same mit zienen broor Nicolaas van de Griendt en G.W.J. Carp oet Arnhem koch hae 610 ha veengrónd, dae heej dreej tot zeve maeter diek waas. Törfwinning waas dan ouk wies in de zevetiger jaore van d'n twintigsten ieëw de wiechtigste ikkenomische activiteit in dees contreie. De zwarten törf woort via de Helenavaart aafgeveurd nao de Noordervaart. De produksie van törfstruisel waas 'nen andere wiechtigen bedriefstak.

De bevolking is gooddeils aafkomstig oet Drenthe en Euveriessel. Daodoor guuef 't zoeëwaal 'n protestantse es 'n katholieke kerk in dit dörp en woeëne dao nog altied vuuel luuj mit neet-Braobantse achtername. 't Plat van Helenaveen is aevel van Braobantse signatuur. In oktoeëber 1944 woort 't dörp opgeschrik door 'n kerkrazzia. Huuj is de plaats e gerdeneersdörp en haet ze 'n beschermp dörpsgezich. Helenaveen en 't Limburgse naoberdörp Griendsveen zien de insigste veenkolonië in Zuud-Nederland.

Literatuur bewirk

  • André Vervuurt. In... en uit de turf getrokken: De geschiedenis van de voormalige veenkolonie Helenaveen en andere Peelse wetenswaardigheden. Deurne: Hub Berkers, 2001.

Extern linke bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Helenaveen&oldid=449858"