Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


D'r Have va Luuk

D'r Have va Luuk (fr: Port Autonome de Liège, PAL) is 'ne binnehave in Luuk óp de Maas en 't Albertkanaal. 't Is d'r driejde groeëtste binnehave van Europa in tónne ömsjlaag.

D'r have waoërt in 1937 gesjticht, saer doe dör de överigheed beheerd en besjteet oet 29 haves óp ongeveer 358 ha groond en 24 km kades tösje Lanaye en Statte. D'r Have va Luuk sjtrekt zich dus oet över 50 km langs de Maas en 't Albertkanaal en liekt óp 't groondgebied van 12 gemèngdes.

Aktivitete bewirk

 
Petro-have Luuk

In 2005 waoërte 14,2 miljoeën tón via 't water nao d'r have getransporteerd. Same mèt d'r ömsjlaag via d'r trein en de vrachwages góng 't in dat jaor öm 20.1 miljoeën tón. Nao d'r Duisburger binnehave en d'r have van Paries is d'r Have va Luuk d'r driejde groeëtste binnehave in tónne ömsjlaag van Europa. De directe verbeending mèt Antwerpe dör 't Albertkanaal makt goedereverkieér mäögelek in 't hart van èng van de groeëtste industriezones van Europa, in 't Maasbekke mae ooch mao 't Rienlaand en nao Luxemburg.

Naeve de dör de överigheed beheerde haves, haat d'r Have va Luuk ooch ènnige private haves die in 2005 6,2 miljoeén tón ömsjloge. In dit havecomplex waoërte dus in 2005 in totaal 20,5 miljoeën tón via de waterwaeg ömgesjlage.

D'r have in Europa bewirk

D'r Have va Luuk liekt in 't hart van 't dichtst bevaarbaar nèt va waterwaeg in de waelt. 't Groeëte Rien-Maas-Schelde-Moezel bekke (20.000 km).
E haat driej toegeng nao de zieë:

  • 'n Oost-West-verbindung in de richting va Duinkèrke (362 km, 32 sjluize) gèft 'n äöëpening nao 't Kanaal.

Liège Trilogiport bewirk

Ömdat d'r Have van Antwerpe warsjiengelek verzadigd raakt[1], geet me 'n nuuj havezone make in 't noorde van de Luukse agglomeratie mèt 'n directe verbinding mèt Antwerpe. Dit logistiek multimodaal platform (water, sjpaoër en waeg) mèt 'n óppervlakde van 100 ha (oeëvan 83ha commercialiseerbaar), gelaege langs 't Albertkanaal (Gemèngde Oupeye, in Hermalle-sous-Argenteau), mót direc 2000 arbeidsplaatsje óplieëvere en óp termijn 200.000.

De financiering van 't platform is verzaeékerd dör publieke fondse en besleet 43.636.366 €[2]. De financiering is gegarandeerd dör driej organisaties:

  • De constructie van 't platform vör 20.519.000 €, oeëvan 80% in 't kader van 't Plan Marshall[3] (Prioritair akties vör de oontwikkeling van Wallonië) en 20% dör d'r Have va Luuk.
  • De realisatie van de nuëdège infrastructuur mèt 22.405.000 € gefinancierd dör FEDER (Europees fonds vör regionaal oontwikkeling) 2007-2013
  • De realisatie van de sjtudies mèt 712.366 € gefinancierd dör FEDER 2000-2006

De oontwikkeling van "Liège Trilogiport" is gegarandeerd dör 'ne groep va economisch geïnteresseerde (GIE) van d'r Have va Luuk, d'r Have van Antwerpe en Spi+ (société intercommunale de développement économique de la Province de Liège). In juli 2008 zeunt 'n deel van de tereine ter besjikking gesjtèld[4] : d'r containerterminale terminal (15ha) is ter besjikking gesjtèld an e consortium dat is samegesjtèld dör d'r Manuport Group & Waiter Container Terminal.

Vólges de planning mót Liège Trilogiport operationeel zieë in 2012.

Referenties bewirk

Externe leenk bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Have_va_Luuk&oldid=456447"