Groat Waereldsjtad Kapelle Konkoer
Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
’t Groat Waereldsjtad Kapelle Konkoer is ein konkoer veur kapelle en zate hermeniekes dat in Gelaen op de naomiddig van Vastelaovesmaondig wurt gehauwte. ’t Evenemènt vingk aan nao aafloup van de kènjeroptoch, meistal rond 16.00 oer. Dan wurt oetgemaak wae van de kapelle en zaate hermeniekes zich de bèste, dus kampioen maog neume. ’t Geit dan om nog väöl meë es muzikale zake; ouch d'n act tèlt mèt in de jurering. Oardeile waere al jaorelangk gebaseerd op oeteinloupende criteria, zoaes sjoan vrouwluuj, sjerp koper, zjwaor koper, sjlaagwèrk en zoa wier. Edere kapel haet waal èns of dèkser gewonne.
Organisasie
bewirk‘t Groat Waereldsjtad Kapelle Konkoer in de huidige vorm besjteit saer ‘t jaor 2001 en wurt georganiseerd door de awdste kapel van Gelaen, Oete Waeg, same mèt de sjtadsvastelaovesvereiniging de Flaarisse.
Lokasie
bewirkDe lètste twae jaor (2013 en 2014) is ’t konkoer gehauwte biej café Amadeus, daoveur waor ’t ummer in ’t Cornerhouse, oetgezonjerd einmaol biej café Amadeus (2009) en einmaol biej café ’t Vlaegelke.
Globaal program
bewirkBelangriekste ongerdeil van 't program is 't sjpele van de kapelle. Om ze op aom te laote kómme, traeje tösjedoor artieste op. De meiste ongerdeile van ‘t program sjtaon vas:
Rondj 16.00 oer: Äöpening door Zef Willems, besjermhaer van Oete Waeg en awd Opper Flaaris
16.00 – 18.00 oer: Kapelle mit tösjedoor artieste
18.00 – 18.30 oer: De Flaarisse mèt de sjtadsprins en adjudante, de sjtadsjeugprins en adjudant
18.45 oer: Priesoetreiking
Vanaaf 19.00 oer: Winnende kapel, artieste
Kapelle
bewirkActief kapelle die al dan neet regelmaotig mitdoon aan ‘t konkoer zeen: Pas Begoosj, Aelenjers, Gein Idee, Hofkapel St. Augustinus, Kloes Bloes Bent, Oete Waeg. Nao 2001 zeen twae kapelle sjlaopende/neet (meë) actief, danwaal opgeheve: Sjeive Drek en Tröte Troef. Daonaeve haet ei paar maol de sambabend Sjleit Inne ouch mitgedaon mer dit sjlaagwèrkgeluid is veur binne te hel.
Artieste
bewirkVäöl Gelaense artieste höbbe al opgetraoje in de aafgeloupe ediesies: Awt-Jeugprinse Uule, Ben en Anita, Döbbel glaas, Corrie Vermeer, Kevin Noblesse, Marc Tholen, MisjMasj, Oetgelaote, Óngerein, Op Ós, Patriesje, Paul Donners, Peter Kunkels, Pölleklup Lötterao, 2PEES, Sandra Hoen, SJPAS en Veer Veere. Artieste van boete de Waereldsjtad die in ’t verleje opgetraoje höbbe, zeen onger meë: Böshuuske Ontsjpannings Vereiniging, Frans Croonenberg, Jean Paul Jessen, La Bamba, Paul en Leo, Spik & Span, Toddezek, TRIO-046, Wiel Nakken.