Gotlandj

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De ligking van Gotlandj in Zwede.

Gotlandj is Zweeds eilandj inne Oeaszieë. De houfstad van 't eilandj is Visby, det ouch waal bekèndj steitj es de roeazestad dore väöl roeazestruuk die dao greuje. Ane oeaskus van Gotlandj ligk 't havestedje Slite mit 'n groeate cemèntfebrik. 't Eilandj vörmp same mit 'n aantaal kleinder eilenj, worónger Fårö, Stora Karlsö, Lilla Karlsö en Gotska Sandön, 't gelieknamig landjsjap Gotlandj, det op administratief niveau samevèltj mitte gemèndje Gotlandj enne pervinsje Gotlands län.

Gotlandj steitj bekèndj veure väöl börchte, rwiens, kirken en aaj dörper. Toerisme de wichtigste brón van inkómsten op 't eilandj, meh daonaeve is ouch landjboew, industrie en deensverlieëning wichtig. Van 't hieël aad inheimsj paersras de gotlandjpony laef nag 'n klein halfwilj köd inne bós en 't heigebied bie Lojsta. Vanwaenge de väöl kirken oeten dertieëndjen en veertieëndjen ieËf wuuertj Gotlandj "'t eilandj vanne hóngerdj kirke" geneump; bao eder vanne hóngerdj historische peróches op Gotlandj haet zien eige ieëvenaaj kirk.