Gonnelien Gordijn
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Wieërts, es te dit dialek sjpriks.
Gonnelien Rothenberger-Gordijn (Wieërt, 5 juni 1968) is 'n Nederlandjse amazone.
Zie is gebaore es Gonneke Antoinette Arnolda Johanna Adriana Robertine Gordijn en is getrouwd mèt de Duutsje ruter Sven Rothenberger. Zoawaal Sven es Gonnelien doon aan dressuur.
Zie deeg veur Nederlandj mit aan de Olympische Sjpele van 1996 in Atlanta en won daobiej mèt häör paerd Olimpic Dondolo ein zilvere medajje op ’t nummer dressuur veur lanjeteams, same mèt häör teamgenote Anky van Grunsven, Tineke Bartels-de Vries en häöre miensj Sven Rothenberger. Individueel behaolde zie ein 16e plaatsj in ’t eindjklassemènt. Dat man en vrouw allebei tegeliek ein medajje winnen op de Sjpele is es uniek te besjouwe.