Op de dicussiepaginga äover zin en doel van dees wikipedia omsjreef emes de Limburgse wikipedia heel venienig es 'bezigheidstherapie' gebroeker:193.121.250.194. Is 't wirkelik zo erg?
Jao: de man haet geliek. Communicere in 't Limburgs plat is futiel, onneudig, zinloos en nemes wört d'r 'n haor baeter van. Juust wie 't loestere nao de messe van Haydn, 't laeze van sjtökskes van Karel van het Reve, of 't drinke van 'ne gooje Barolo. Waat 't Limburgs plat meet dees anger volsjtrekt nutteloze dinger gemein haet, is det 't zo sjoon is. Raeje genog om diene tied d'rin te sjtaeke.
Väör zover ich al plat sjpraek, zeen 't - wie bie väol van mien generasiegenote (30-) - drie dialecter doorein. Grammaticaal verbaeteringe zeen dus werm aanbevaole, ich kòn mich dao oerelang mit ammezeire - al vermeltj 't gebroekersportaol heel sjtreng det äoverlègkpingina's neet zeen besjtumdj väor ge-oh. Det is waarsjienlik door emes gesjreve zeen dae dinktj det det äoverligk nuttig mot zeen.