Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De ligking van Finström in Finlandj.

Finström is 'n gemèndje in Ålandj, Finlandj. De gemèndje haw 2.594 inweuners op 31 mieërt 2016 en 'n landjoppervlakdje van 123,26 km², van 'n totaal (inclusief water) 172,5 km². De bevoukingsdiekdje is 21,04 luuj de km². De plaatse die inne gemèndje ligke zeen: Bamböle, Bartsgårda, Bastö, Bergö, Bjärström, Emkarby, Enbolstad, Godby (de houfplaats), Grelsby, Kulla, Markusböle, Pettböle, Prästgården, Pålsböle, Rågetsböle, Strömsvik, Stålsby, Svartsmara, Tjudö, Torrbolstad, Tärnebolstad, Vestanträsk, Åttböle en Ämnäs.

De St.-Michaëlskirk in Finström.

De meiste economische aktiviteite vinje plaats in Godby. De grótste wirkgaever dao is Optinova, waat medische gebroeksverwerpe make. Wiejer wirke väöl luuj inne toerismesector, mit naam bungalowparke. In 't naordelik deil vanne gemèndje is de landjboew 't wichtigste, veural èrpel en greunte. Wiejer guuef 't nag e deil luuj die besjeftig zeen mitte vèsserie.

De gemèndje tèltj väöl waterbochten en fjorde die 't landj deep insnieje. 't Grótste zeutwatermaer van Ålandj, Långsjön, bevindj zich ouch inne gemèndje, en deentj es de grótste brón van 't drinkwater op 't houfeilandj.

De gemèndje is einspraokig Zweeds. De gemèndjecode is 060.

Demografie bewirk

In 2016 woor de laeftiedsverdeiling van de bevouking es völg:

  • 0 toet 14: 18,2%
  • 15 toet 64: 61,6%
  • 65 en ajer: 20,2%

De spraokverdeiling woor in 2016 det 89,9% vanne bevouking 't Zweeds es ieëste spraok haw; 3,3% haw 't Fins es ieëste spraok en 6,8% haw 'n anger ieëste spraok.

Hie-ónger völg de demografische óntwikkeling vanaaf 1980.

1980 1985 1990 1995 2000 2005 2010 2015
2.052 2.162 2.206 2.246 2.299 2.441 2.502 2.522
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Finström&oldid=453815"