Fibberwarie

Trivia

Heilegedaag in fibberwarie

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Fibberwarie of februari ies de twiède maond van 't jaor in de Gregoriaanse kalender, en haet 28 daag in gewoon jaore, en 29 daag in sjriekkeljaore. 30 fibberwarie ies in de gesjiedenis drie kièr veurgekómme. Fibberwarie ies geneump nao de Romeinse god Februus, de god van de purificatie/ónderwaereld. Bie de ouw Romeine waor fibberwarie de maond van de groate reineging en van de boete (de februa). In de oudste Romeinse kalender, dae tièn maonde houw, kaom fibberwarie neet veur. Wie 't jaor woort verdeild in twelf maonde, woort de lètste maond "februaris" geneump. 't Jaor begoes dus mèt mièrt. De sjriekkeldaag verrekende me logischerwies aan 't ing van 't jaor, dus aan 't ing van fibberwarie. Pas in 't jaor 456 woort jannewarie de ièrsjte en fibberwarie de twiède maond, de sjriekkeldaag bleef èvvel in fibberwarie.

Jannewarie en fibberwarie zint de lètste twiè maonde die aan de kalender woorte toegevoog, umdat de Romeine de winter es periode zonder maonde zoge.

d'n Oudnederlandse naam ies: de Sprokkelmaand of Regenmaand
Ander name zint: vrouwemaond en gekkemaond
Romeinse naam: Februaris
Juudse naam: Adar
De sjterrebeelde in fibberwarie zint Waterman en Vösje
In gewoon jaore begint fibberwarie op dezelfde daag van de week es mièrt en november.
In sjrikkeljaore begint fibberwarie op dezelfde daag van de week es augustus.
Op 'ne zóndig, maondig en dinsdeg in februari (sóms in mièrt) ies 't Vastenaovend (ouch vastelaovend of carnaval). Vastelaovend begint op zien vreugs op 1 februari; de lèts meugelike datum ies 7 mièrt.

jan - fibberwarie - mrt

maonde:

jannewarie - fibberwarie - miert - april - mei - juni - juli - augustus - september - oktober - november - december

Wiktionair

Zeuk de definitie, vertalinge, oetsjpraok en dialekvariante van fibberwarie op in de Wiktionair.