Äöpen houfmenu

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


mrt - april - mei
<< 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30       >>

April ies de veerde maond van 't jaor in de Gregoriaanse kalender. April haet 30 daag. In de oud-Romeinse kalender waor 't de twiède maond. De naam kump van 't Latiense woord aperire, dat eupene beteikent. Waarsjienlik refereert dit aan de greuj van plante en blome in de lente. 'n Ander theorie sjtèlt dat de naam ies aafgeleid van e woord dat 'twiède' beteikent, of van Aperta, eine bienaam van Apollo.

April oet de Très Riches Heures du duc de Berry

TriviaBewirk

  • d'n Oud-Nederlandse naam ies: de Grasmaand, Kiemmaand of Paasmaand
  • Romeinse naam: Aprilis
  • Juudse naam: Ijar
  • De sjterrebeelde van april zint Ram en Sjtier.
  • April begint op dezelfde daag van de week es januari in sjrikkeljaore, en es juli in alle jaore.
  • Karel de Groate neumde deze maond de Ostarmanoth vanwege ’n fiès, dat de ouw Germane vierde ter ière van Ostara, de godin van de oplevende vröchbaarheid. ’t Ei ies häör symbool. ’t Paosjfiès, dat geweunlik in april vèlt, weurt bie oos bure, de Prusje, nog ummer Oster-Fest geneump. De Franse zagte Germinal of greujmaond tege de periode tösje 21 mièrt en 19 april.
  • "Op 1 april sjtuurt me de gekke woa me wil", zaet ‘n sjpreekwoord. De oarsjpróng van de aprilmop ies onzeker. Op dezen daag zou Judas, de aartsbatteraaf, gebore zin.

Heilegedaag in AprilBewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=April&oldid=337569"