Euverlèk gebroeker:Pahles/arsjief2010

Veublaad fäötsje

Hoi, kinste 'ns kieke oonder Wis te dat... lètste regel; oonderaan sjeet 'n j achter wikipedia. Ich kan die èges neet voetdoeë.--Mergelsberg 14 jan 2010 11:42 (CET)

Iech höb 't aongepas! - Pahles 14 jan 2010 15:08 (CET)

Blokkere

Daag Pahles, niks detege totste dat ein IP-adrès höbs geblokkeerd, meh 't is wel 'n sjaol heh. De kins puber X 't vandalisme wat ouber Y twie maond geleie heet gedoon neet aonrekene, en daomèt puber Z dee touwvalleg get zinnegs heet te zègke d'n touwgaank oontzègke. Noe is 't 'n sjaol oet Someren, dao zal normaal gesproke mer 'nen inkele Limbörger zitte, meh toch, gewoen eve um te zègke tot sjoele wel 'n aander blokeerbeleid mote höbbe en gewoen vandaole. 𐏂𐎫𐎹𐎴𐎲𐎧 Op nao de 10.000! 15 jan 2010 10:44 (CET)

Bie sjoale ies 't idd. get lestig um te besjliesse veur blokkere, meh 't betref hie mer 'n blokkaasj van einen daag (mein iech). Iech weit oet ervaring dat toeziechhouwersj en concierges op sjoale sóms bliej zint mèt zoan tiedelike blokkaasj, dan höbbe ze op die sjoal eve rös. Emes dae toch get zinnigs wilt toevoge, deit dat dan mer 'ne daag later es de wiki wir toegankelik ies.--Aelske 15 jan 2010 10:55 (CET)

(nao bwc):Dit waor dudelek dezelfde dee twie daog achterein 'n artikel aonmaak mèt dezelfden titel. Iech dink tot 'n korte blokkering wel op zien plaots is. In geval vaan sjaole is 't netuurlek altied lestig wat good is, bin iech hielemaol mèt diech ins. Zeker umtot 't ouch welwèllende pubers gief zoewies te zègks. 't Blijf 'n käös vaan 't momint! - Pahles 15 jan 2010 10:57 (CET)

Ze kinne zich natuurlik ouch altied 'n account aanmake. Of höb ich det mis? Eigelik zów se vanaaf 'n geblokeerdj IP nieks anoniem moge toeveuge, mer ich weit neet of det op die maneer wirk. --DeSeel 17 jan 2010 13:51 (CET)

Es dien IP-adres is geblokkeerdj kèns s'n ouch neet mit 'ne gebroekersnaom bewèrke. --OosWesThoesBes 17 jan 2010 14:44 (CET)

Es 'n sjoal-IP-nummer geblokkeerd ies, kènt 'ne lièrling natuurlik vanoet ziene thoescomputer waal get zinnigs toevogeAelske 17 jan 2010 15:58 (CET)

Verangering gebroekersnaam

Daag Pahles. Ich loos des doe systeemwirker bös en höb 'n vraog aan dich. Ich höb mich korts aangemeldj op 'n anger Wikipedia ónger 'ne nuje naam, DeSeel. Ich bön d'r achter gekómme det ich daomit ouch hie kan inlogge en gebroek op vandaag 't leefs dit nuje (globale) account. Noe is 't mesjiens neet veur ederein dudelik det Gebroeker:Ed vanne Seel en gebroeker Gebroeker:DeSeel dezelfdje persoean zeen. Zów 't meugelik zeen óm mien aad account (Ed vanne Seel) te verangere in De Seel (mit spatie)? Op die maneer is 't mesjiens get dudeliker in de historie van artikele. --DeSeel 17 jan 2010 13:46 (CET)

Iech höb de gebrukersnaom Ed vanne Seel verandert in De Seel. - Pahles 17 jan 2010 15:54 (CET)

Interwiki's Veurblaad

Daag Pahles, dees discussie is wel ins dèkser geveurd. Diech höbs oets ins - dat veel miech noe pas op, umtot iech noets op 't veurblaad loer - alle interwiki's nao aander veurblaojer aon 't Veurblaad touwgeveug. Die had iech dao bewös neet gezat en wel ins eweggehaold, umtot iech dao allein zösterkes, naobers en hoesgenote wouw. De ganse lies is [wèllekäöreg lielek Hollands sjelwoord]-laank, dat is neet praktisch. Wee alle Wikipedia's op e rijke wèlt höbbe, kin nao www.wikipedia.org weure verweze, of nao meta:List of Wikipedias. Iech zouw dus lever de aw situatie herstèlle. 𐏂𐎫𐎹𐎴𐎲𐎧 Op nao de 10.000! 30 jan 2010 00:51 (CET)

Zwolge

Pahles, wie kumstiech noe debij tot die anoniem verandering op Zwolge vandalisme waor? Dat waor gewoen de Zwolgerse vertaoling vaan 't Mestreechs artikel, en dao waor heer ouch touw oetgeneujd mèt 't {dialek2}-sjabloon. Noe höbste mesjiens mèt de {ws} wel 'ne potentiële nuie gebruker eweggejaog! 𐏂𐎫𐎹𐎴𐎲𐎧 Op nao de 10.000! 2 fib 2010 15:05 (CET)

Sorry huur, mer de haaf pagina eweggoeje liek miech noe neet "vertaole". Dao kaom bij tot heer/zie ouch nog Zwolgers had aongemaak mèt zjus dezelfde teks es in Zwolge. Veur miech reie um aon te numme tot 't vandalisme waor. En es dat neet zoe is/waor, daan höb iech miech vergis, big deal. Iech bin ouch mer 'ne mins, huur! - Pahles | zègk 't mer 2 fib 2010 16:29 (CET)

Prinsepatsj op wikibol

Hoi Pahles, wie geit dat ouch alweer, 't verwiessele van 't wikilogo mèt die van 't vastelaoveslogo Plaetje:Wikivastenaovend.PNG) bovenaan in de linker kolom. Iech bin die handeling vergete.--Aelske 8 fib 2010 10:06 (CET)

Iech zeuk dat straks eve oet. - Pahles | zègk 't mer 8 fib 2010 10:08 (CET)

't Haet nog tied, 't ies gebrukelik, zoa wie Cicero ouch zet, dat dit allein mèt de drie döl daag verandert weurt ;)--Aelske 8 fib 2010 12:12 (CET)

Gebeed? Gebiede?

Zègk Pahles, es iech örges gebied sjrijf, maaks diech dao gebeed vaan. Meh 't miervoud is daan wel gebiede? 𐏂𐎫𐎹𐎴𐎲𐎧 Op nao de 10.000! 10 fib 2010 15:21 (CET)

't Inkelvoud is wel gebeed (zuuch ouch NMD), mer gebeie is zeker neet 't miervoud. Wat 't wel is, jeh, iech weit 't ouch neet zeker. Iech dink dus gebiede, mer iech kin miech vergisse. Gebeie is 'n wèrkwoord: (in 't Nederlands) gebieden. - Pahles | zègk 't mer 10 fib 2010 15:29 (CET)

Mesjiens: gebeed-gebeder (zaet AGL ouch) of gebejer zou ouch kènne. 't ies ouch leed en leder (lied-liederen)--Aelske 10 fib 2010 17:07 (CET)

Zandbak

Hoi, good totste trök bis! Merci veur 't rekening hawwe bij de vandalismebestrijing. Iech höb alvas e speciaol sjabloon:puber vaan nl: geïmporteerd, es alternatief veur de gewoen waarsjouwings-sjablone. Reke mer tot zoeget aonkump bij veur wee 't gemeind is :p! Steinbach 20 fib 2010 21:14 (CET)

Iech bin neet 'ech' eweggewees, huur! Gewoen e weekske vekantie gehad. - Pahles | zègk 't mer 20 fib 2010 22:59 (CET)

Gefeliciteerd...

...mèt 't aofmake vaan de Mestreechse wieke-cyclus! Steinbach 9 mrt 2010 19:48 (CET)

Daanke, 't moos toch 'ne kier devaan koume. Iech steurde miech dao al väöl te lang aon, en eigelek waor 't zoe klaor. - Pahles |zègk 't mer 9 mrt 2010 20:51 (CET)

gefeliciteerd

Allee, de wèts 't momint wel oet te zeuke heh... Iech sjrijf vaandaog 'n artikel of zeve, Pivos 'n artikel of 86, diech maaks 'rs eint en dat is daan perceis nómmer 6.000! :-) Nou jeh, iech bedaank ieg edereine dee hei opaon heet gewèrk. In dit tempo zitte v'r veur 't ind vaan 't jaor aon de 10.000! Steinbach 17 mrt 2010 17:23 (CET)

Soms moos te get doen, soms moos te eve wachte... :P - Pahles | zègk 't mer 17 mrt 2010 17:25 (CET)

Höbs nog good vaan miech gelierd :p Steinbach 17 mrt 2010 17:27 (CET)

Mer noe weer weier wèrke aon de kwaliteit! - Pahles | zègk 't mer 17 mrt 2010 19:23 (CET)

Bliekbaar haet Pahles de ganse daag op 't vinketouw gezaete. Hae haw al 'n tiedje in de gate dat de 6000-ste d'r aan kaom. Wo zint v'r mèt bezig? Ein wedsjtriedje?Pivos 17 mrt 2010 19:28 (CET)

En es dat zoe is, is dat daan erg? Aof en touw moot dat kinne. 't Leve is te kort um allein mer serieus te zien. Euveriges zeet dat getal 6000 neet zoeväöl, loer mer 'nshei! - Pahles | zègk 't mer 17 mrt 2010 20:13 (CET)

't Spannendje mis ich weer ;) Gefeliciteerdj allemaol! :) --OosWesThoesBes 18 mrt 2010 19:06 (CET)

Breusel

In Mestreech kint me de Breuselsepoort en de Breuselsestraot, volges 't topografisch deil vaan de NMD. Zouw 't daan neet ouch Breusel mote zien? Steinbach23 apr 2010 12:25 (CEST)

Tjeh, dao zit get in! Mer noe: volges miech zeet geinen eine Mestreechteneer Breusel es heer nao Brussel wèlt... - Pahles |zègk 't mer 23 apr 2010 13:31 (CEST)

't Sjoene is 't 'm miestal tot Limbörgers neet d'r bij stèl staon wat ze zègke. Iech zaw neet vreemp opkieke es iemes Breusel zaw zègke. En es de straotnaome zoe hete, liek 't miech 't mies logisch tot v'r 't veraandere in Breusel.--Ortjens 10 nov 2010 22:29 (CET)

Hoi, could you help me, please!

Hoi sorry this is the only thing I'm able to write in Limburgian for now. I'm Claudi Balaguer, member of a Catalan association "Amical de la Viquipèdia" which is trying to become a Chapter but has seen this rejected because it doesn't belong to a/one state! I thought you could help me begin a support campaign here just as I've already done in other Wikipedias. The first favor I beg from you would be to translate the following template to Limburgian (you can translate where you please, you can keep the Catalan part or the English one, as you wish or deem more appropriate!). Thanks again for your help . I wish you a pleasant and sunny summertime. Take care, have a good night! Capsot 17 jun 2010 23:11 (CEST)

Dono suport al chapter Wikimedia CAT. I vós? Si us plau, signeu en senyal de suport. I support the Wikimedia CAT chapter. Don't you? Please, give us your support.

Well, I'm sorry to have bothered you. It seems that you have no time to translate it (or that it's not interesting for you...). Well, I think I will ask somebody else tomorrow. I wish you all the best for you, your Wikipedia and your language. Sincerely, Capsot 23 jun 2010 18:26 (CEST)

Sorry, since you haven't answered for a long time, I thought I would do a favor to clean such a bothering or useless message... Capsot 25 jun 2010 16:27 (CEST)

Well, I should be sorry for not responding. It's just that I've not been very active lately and my time is limited. I'm not against the forming of your chapter, but I don't "join" causes just because somebody asks. I simply don't have an opinion about it, and I'm not going to form one either. I wish you all the luck reaching your goal. Pahles | zègk 't mer 25 jun 2010 21:37 (CEST)

Translation

Hello! Can you please create the Selena article on this wiki? Please and thank you. en:Selena (that's the English version). Thank you AJona1992 13 jul 2010 18:07 (CEST)

Please read the first sentence here. - Pahles | zègk 't mer 14 jul 2010 09:07 (CEST)

Noordelike Egeïsche Zie

De Noordelike Egeïsche Zie is neet de benaoming veur 'n bepaolde zie, mer weurt inkel gebruuk veur alternative benaoming vaan de periferie Noord-Egeïsche eilen, zuuch 't artikel vaan Griekeland.--Ortjens 20 jul 2010 19:42 (CEST)

En boe haols te die wiesheid vaandan? Zoewel op de Ingelse es op de Nederlandse wiki is hei niks euver trök te vinde, dao weurt allein mer gesproke euver de Noordeleke Egeïsche eilen. Mesjien is dat wat in Griekeland steit wel fout? - Pahles | zègk 't mer 20 jul 2010 19:54 (CEST)

't Volgende steit op, nota bene, de Limbörgse pagina vaan Griekeland.

Griekeland is ingedeild in 13 periferieë en 51 nomoi (prefecture). De periferieë zien:

Attika Epiros Inonische eilen Kreta Middel-Griekeland Middel-Macedonië Noordelike Egeïsche Zie

Oos-Macedonië en Thracië Peloponnesos Thessalië Wes-Griekeland Wes-Macedonië Zudelike Egeïsche Zie

Iech num aon tot mèt de "Zudelike" en "Noordelike" Egeïsche Zie de Zuid-Egeïsche Eilen en de Noord-Egeïsche Eilen weurt bedoelt. Want dit zien twie periferieë vaan Griekeland! En es de Limbörgse Wikipedia 't neet riechteg heet, daan zien Zudelike Egeïsche Zie en * Noordelike Egeïsche Zie fout. Dat is neet mien sjuld, iech höb inkel aongenomme tot de Limbörgstaolege Wikipedia miech riechtege infermatie heet gegeve. In eder geval kin iech uuch zègke tot mien twie artikele vaan de periferieë vaan de Egeïsche Eilen wél riechteg zien. Loer mer nao de Ingels-, Nederlands- en Griekstaolege Wikipedia, of welke Wikipedia daan ouch.--Ortjens 20 jul 2010 20:13 (CEST)

Iech had neet uuche gaanse informatie binne gekrege op miene computer. G'r had al geleze tot 't artikel vaan Griekeland 't woersjijnlek neet riechteg had. Iech pas Griekeland zelf wel aon.--Ortjens 20 jul 2010 20:18 (CEST)

Tony Curtis

Daag Pahles, iech had 'm ouch al stoon, meh daan 'nen daag ieder. Wie zit dat noe? Steinbach 4 okt 2010 17:58 (CEST)

Oei, dat had iech neet gezeen. Iech höb mien bijdraag mer gewis, de Ingelse wiki heet 't ouch op d'n 29e stoon. - Pahles |zègk 't mer 5 okt 2010 07:22 (CEST)

Foto's Van Gelder

Beste Pahles: Alle foto's en logo's geplaats beej Van Gelder zien van Van Gelder zelluf. Alle rechte ligge ouk beej eur. Fotograaf is Thom Spierenburg, lid van Van Gelder. Toestumming gaef ik zelluf, names stichting Van Gelder --Nappes 14 okt 2010 09:11

Alleriers: wèls te dien bijdrages in euverlèkpagina's oonderteikene met ~~~~ aon 't ind? Daan weite v'r wee wat wienie gezag heet.

Es diech die touwstumming maags geve, daan MOOT dat vermeld weure bij de pleetsjes zelf. Es dat neet gebäörd daan mote de pleetsjes helaas verwijderd weure. Zuuch beveurbeeld 'n pleetsje wat iech zelf geüpload höb, wie [[Plaetje:RemouchampGrotteIngaank.JPG]], boe iech de GFDL licentie aon gekoppeld höb. Euvereges: es te dao 'n GFDL of CC-licentie aon verbinds, zien de pleetsjes vrij te gebruke door ederein (wereldwied), mits voldoon weurt aon de btreffende licentieveurwaarde. Es dat neet de bedoeling is (beveurbeeld umtot Van Gelder de rechte zelf wèlt hawwe, mèt aander wäörd zelf wèlt kinne bepaole wee de pleetsjes maag gebruke en wee neet), daan mage de pleetsjes neet geüpload weure!

Dus: gere de licentieveurwaarde BIJ EDER PLEETSJE touwveuge, aanders MOTE de pleetsjes verwijderd weure! - Pahles | zègk 't mer 14 okt 2010 11:06 (CEST)

Gebroeker:Dimon

Hoj Pahles, zoe'n gebroekers kinste bès laanger blokkere es ein week. Wee 'n account aonmaak allein mer veur te spamme, heet hei niks te zeuke. Bij IP-adrèsse is dat aanders: die kinne in aander han koume. Gebroekersnaome kinne dat evels neet; daorum is veur altied blokkere in zoe'n gevalle neet te väöl. Steinbach 20 okt 2010 18:05 (CEST)