Euverlèk gebroeker:Pahles/EuverziechLIWiki

Hoi Pahles. Zous doe dit (intersant) euverziechske t.z.t. ouch onder de kop "Euverziech Li-wiki" in "Speciaal pagina's" kènne plaatse, zoadat veer dat mekkelik kènne vinge of naosjloon?--Aelske 27 jan 2010 14:46 (CET)

Netuurlek wèl iech dat, mer iech bin nog bezeg um ein en aander gemekeleker veur miech zelf te make um dat euverziech sneller te kinne make. Daoneve bin iech nog aon 't naodinke euver oetbreiing devaan, mer 't moot wel te doen blieve. Iech gebruuk heiveur veur miech nui technologie, die iech miech ummer al eige had wèlle make, mer umtot iech gein gooj data had um 't mèt te perbere, bleef 't ligke. Noe zeen iech evels wel meugelekhede. - Pahles | zègk 't mer 27 jan 2010 16:44 (CET)

Volges mich kèns se - ouch es systeemwèrker - nieks in de speciaal pazjena's zètte. --OosWesThoesBes 29 jan 2010 07:06 (CET)

Dat klop, mer dao passe v'r wel 'ne mouw aon. 't Kin netuurlek altied in 't menu gezat weure in de Gereidsjapskis. - Pahles | zègk 't mer 29 jan 2010 09:49 (CET)

Grafiekske

Daag Pahles, iech höb vreuger bij wiskunde gelierd totste gein rietlijne moos inbouwe in staafdiagramme. Op dees paasj zuut me boeveur: 't zuut oet of 't aontal artikele explosief is gegreujd, mier es bij e lijndiagram 't geval zouw zien. Tunk diech 'tzelfde? Steinbach 24 jan 2011 12:40 (CET)

Iech kin miech neet herinnere tot dat neet zouw mage (en iech höb hiel get (>10) jäörkes wiskunde gehad). Daobij is dit neet ech 'n staafdiagram: de meetpunte zien data ('nen dump weurt gemaak is 'r weer aon de beurt is, en dat kin soms kort nao-ein zien, soms doort 't weer get langer, aofhenkelek wie drök dee server 't heet), neet (eve groete) periodes. Iech bin evels nog neet content euver de grafiek. 't Is nog e bitsje 'ne experimint. Iech wèl wel 'ns kieke of iech get mèt 'n lijn kin doen (en mesjiens nog get mèt e loupend gemiddelde). - Pahles | zègk 't mer 24 jan 2011 13:00 (CET)

Verdudelekingspazjes

En nog eve gans get aanders (daanke veur dien snel antwoord heibove trouwes): 't aontal vp's is innins gedaold vaan 239 nao 194! Kin 't zien totste vreuger de Categorie:Verdudelikingspazjena gebruukdes en noe de paasj Wikipedia:Verdudelikingspazjena? De cat hèlt 't op 257 en iech weit tot 't idd nog vp's gief die neet op de paasj zien geneump. Steinbach 24 jan 2011 13:08 (CET) (P.S. 't Nut vaan neve die categorie ouch nog die paasj steit op de plaots oetgelag, veur wie ziech dat aofvreug.)

Iech moot dink iech nog 'ns good nao die data goon loere, iech had al probleme demèt um überhaupt get devaan te kinne make (noe de dumps op 'ne nuie server weure gemaak is me ouch euvergestap op e nui formaat vaan de dumps). Iech wach nog tot volgende week es de nuie dump klaor is, mesjiens zeen iech e petroen in de versjèlle. - Pahles | zègk 't mer 24 jan 2011 14:28 (CET)

De stumpkes kloppe zoe te zien ouch neet... - Pahles | zègk 't mer 24 jan 2011 14:30 (CET)

Iech höb de links op Wikipedia:Verdudelikingspazjena eve mèt de hand getèld, 't waore 'rs mer 136. Dao kin 't neet aon ligke dus. Steinbach 24 jan 2011 14:47 (CET)

Diffenisies

Gebruuks se nag ummer dezelvendje diffenisie veur "artikel" es veur e paar jaor trögk? Ich geluif bès det v'r in 2011 5.700 artikele hawwe, meh den höbbe v'r noe toch gein 35.000? --OosWesThoesBes (euverlègk) 8 sep 2016 22:34 (CEST)

Iech höb niks gewijzig aan de meneer boeop iech de data oet de databasedumps haol. Wat zouw kinne is tot iech, veurtot iech mien script dreuver goej, de data neet good höb gezuverd (iech wèl 't wel oetlègke mer 't is vrij technisch). Iech voont 't versjèl ouch al vrij groet. Kiek ouch 'ns nao 't versjèl tösse 1-7-2016 en 22-7-2016: mie es 5000 artikele! Dat kin neet kloppe... Iech zal miech in 't weekend nog 'n drin verdepe. Tot noe touw bin iech veurnaomelek bezeg gewees mèt oetvinde of alles nog wèrk (in 2011 wèrkde iech nog op 'n Windows computer, noe op 'ne Mac).- Pahles | zègk 't mer 9 sep 2016 08:48 (CEST)

'Ne Mac? Foj toch, e bitteke techneut gebruuk toch zeker Linux! :) Meh good, in 2011 hadde v'r es 't good is al mie es zèsdoezend artikele. Iech gluif totstiech de stumpkes ummer neet mèttèldes (boe iech 't neet gans mèt ins bin, want wat iech e stumpkes neum beit dèks nog gans get informatie) - zoe kumste dinkelek wel op 5.700 oet. 35.000 kin niks aanders zien es 't totaol aontal items in de database, inclusief redirects. Ooswesthoesbes heet die mèt ziene bot de lèste paar joar zier fanatiek aongemaak (boeveur mien compleminte, want dat is nujeg bij 'n taol zoonder standaard), wat natuurlek väöl verklaort. In 2012 hadde v'r 26.000 dinger in de database; daonao stoppe die gegeves. Steinbach Maak de wereld sjoender, besjrijf häöm op Wikipedia! 9 sep 2016 10:00 (CEST)

Speciaal:Sjtattestieke gief >53.000 items veur de gansen database, meh dat is veur alle naomruimdes same. Redirects nao artikele stoon gewoen in de artikelnaomruimte, en es die script dat tèlt... Steinbach Maak de wereld sjoender, besjrijf häöm op Wikipedia! 9 sep 2016 10:04 (CEST)

Mac OS X (binnekort macOS) is gebaseerd op BSD Unix. Daorum gebruke zier väöl techneute en oontwikkeleers 'ne Mac. Iech zit daan ouch väöl in d'n terminal te wèrke (ouch veur dees euverziechte). Dat mèt die redirects kin 't verklaore. Iech zal 'ns kieke of iech dao 'n oetsplitsing vaan kin make. Euvereges tèl iech stumpkes ouch apaart. In de grafiek steit 't totaol aongegeve, dus inclusief stumpkes,wio's en vp's. Euvereges kin iech neet mie wijer trök es 26-12-2015, 't gief gein dumps mie vaan daoveur (iech höb ze in eder geval neet kunne vinde). De grafiek zal dus 'n groet gaat hawwe.

Veurtot iech veurgaond antwoord op ging sloon zaog iech tots diech nog get debij hads gesjreve, boedoor iech nog 'n nao 't script ging loere. Iech tèl alles mèt boete: de naomruimtes Mediawiki, Wikipedia, Plaetje, Categorie, Sjabloon, Help, Portaol en redirects. De sprung in de aontalle kinne dus neet verklaord weure door de redirects. Iech gaon miech toch mer 'ns get mier verdepe in de data en oetsplitsinge make, zoetot iech get mier euverziech krijg. Tot deen tied zien de euverziechte dus neet betrouwbaar. - Pahles | zègk 't mer 9 sep 2016 10:43 (CEST)

Iech dink tot iech 't probleem höb gevoonde (en opgelos). De ciefers en de grafiek mote noe kloppe. - Pahles | zègk 't mer 9 sep 2016 23:25 (CEST)