Euverlèk Wikipedia:Opsjlaag/Ètsberger
Laatste reactie: 14 jaar geleden door Steinbach
Is dat noe ech nujeg, die wetensjappeleke benaodering vaan klaanklier en zoe? In artikele euver zoe'n klein plaotseleke dialekte zoe 't eigelek allein mote goon euver de typische eigenaardeghede vaan dát dialek, dus boerin 't vaan in dit geval 't Vlorps aofwiek. Este 550 vaan zoe'n artikele sjrijfs is dat verspèlde meujte. ᏎᏖᎢᎾᏆᎮ Op nao de 5.000! 22 mrt 2009 20:38 (CET)
- Deh, de meining van Wikipedia - waat denouch 't veurdeil euver 'n pepiere encyclopedie is - is zoea vólledig meugelik zeen. Wiejer velt nörges op Limburgs get euver klankinventair te vinjen en vinj ich 't Ètsberger e geval apart óm 't höbbe van 'n duuster l, dudelikke róllendje r, de ingelse 'u' en dentaal allofone. --OosWesThoesBes 22 mrt 2009 20:51 (CET)
- Wie preciezer wie baeëter, mae 't mót te controlere blieve.--Mergelsberg 23 mrt 2009 00:56 (CET)
- Det is 't zeker. --OosWesThoesBes 23 mrt 2009 07:14 (CET)
- Wie preciezer wie baeëter, mae 't mót te controlere blieve.--Mergelsberg 23 mrt 2009 00:56 (CET)
- Van de eine kant ies 't sjiek dat 't Ètsberger plat zoa oetgebreid besjreve weurt, meh iech höb mien twiefels (höb dat daorum naogevraog en daobie ies ouch 'n indirekte bron van 'ne inweuner) of dit dialek zo belangriek aafwiek van 't Vlorps. Beter waor mesjiens (OWTB) um in 't artikel euver dit dialek de samehang en de paar versjille te laote zeen mèt 't Vlorps (es oetgangspunt), 't Ètsberger en 't Pötbrooks. Dat geuf 'n beter en geluifwaerdiger weergaaf van de situatie. Iech vergeliek 't mèt 't Valkebergs (wat iech natuurlik beter kèn beoordeile), woabie ouch 't Boete de Paorts, 't Brokems, 't Houtems, 't Vilts,'t Bergs, 't Subs, 't Hölsbergs, 't Sjins e.d "huère" en neet andersjum: 't Valkebergs bie 't Houtems of 't Valkebergs bie 't Subs. Me moet 'n keus make veur 't "belangriekste" (meiste sjprekersj) dialek. Vergeliek ouch 't Mestreechs ins mèt "zien" geliekende (meh ouch op bepaalde punte aafwiekende) dialekte: o.a. 't Heugems,'t Lummels, 't Amies, 't Cabergs, 't Wolders enz.--Aelske 24 fib 2010 09:38 (CET)
- Bovedeen moot 't wel te controlere zien, wieste zelf al zègks. 'n Gans belaankrieke regel vaan Wikipedia is: gein oersprunkelek oonderzeuk. Volges miech höbste dat hei wel zitte doen. Of is dao soms literatuur te vinde euver dat dialek? Dat is noe perceis de reej boeveer nog niks te vinde is euver al die dialekte die Aelske neump: ze zien dom-eweg neet besjreve. Allein 't Hiersj is besjreve en dao is daan ouch 'n artikel euver. Iech zouw trouwes neet weite of 't Heugems, Lummels en Kabergs nog wel bestoon. De geis nog nao sjaol, neet Owtb? Deh, daan raoj iech diech zeker aon um strak in Nijmege Nederlands te goon studere en diech te specialisere in de Limburgse dialekte. Daan kinste dat soort info verzaomele en publicere, Wikipedia is dao eine kier neet de plaots veur.
- En daan nog: es 't Ètsberger plat al örges besjreve steit, daan kinste die marginaol versjèlle bes opnumme in 'n speciaol alinea op 't artikel Vlorps. Steinbach 24 fib 2010 12:49 (CET)
- Wat die dialekte van Heugem, Lummel, Ittere en Amie (bv) betref, die besjtoon (nog) waal degelik. Woarum zouwe ze ouch verdwiene. Luuj kalle dat gewoon umdat ze dat gewènd zin, ouch al zint ze bie Mestreech gevoog. Zèk noats tege emes dae aafkómstig ies oet zoan dörp dat hae Mestreechs kalt: Hae zal dan ummer op de versjille wieze mèt die taal! Iech sjpreek oet eige ervaring!--Aelske 24 fib 2010 13:13 (CET)
- d'r Zeen inderdaad helaas gein publicaties euver 't Ètsberger oetgebrach. Wie de meiste dialekte oet zgn. "gehuchte" zuut me ze euvere kop en juus die gehuchsdialekte höbbe biezönjer kènmèrke en mótte z.s.m. vasgelag waeren ómdet die de meiste kans höbben oet te stèrve.
- Ich zów dees pagina neet op Vlórps zitten omdat de pagina Vlórps nag neet besteit en den de pagina meer euver 't Ètsberger geit es euver 't Vlórps zèlf; mie Vlórps is neet zoea good, dös 't wuuertj lestig óm 't te gaon vergelieke; luuj van óppen Ètsberg zeen zichzèlf neet es inwoner van Vlórp, meh van d'n Ètsberg.
- Aelske, ich dörf dialekte verdwiene neet zoamer dochwaal get taenge te spraeke. Mien Oma kaltj vlöjjendj Mofers, meh mien moder neet, wodórch ich 't ouch noeaits gelieërdj höb gekrege. Luuj gaon studeren en blieve den 'nen tied boeten 't dörp (of ze gaon nao sjoeal in plaatse wie Remunj, wo ze te make kriege mit anger dialekte), wodórch lanksemaan 't dialek eweggeit. --OosWesThoesBes 25 fib 2010 07:32 (CET)
- Wat die dialekte van Heugem, Lummel, Ittere en Amie (bv) betref, die besjtoon (nog) waal degelik. Woarum zouwe ze ouch verdwiene. Luuj kalle dat gewoon umdat ze dat gewènd zin, ouch al zint ze bie Mestreech gevoog. Zèk noats tege emes dae aafkómstig ies oet zoan dörp dat hae Mestreechs kalt: Hae zal dan ummer op de versjille wieze mèt die taal! Iech sjpreek oet eige ervaring!--Aelske 24 fib 2010 13:13 (CET)
- Dat bedoel iech sjuus mèt "zoamer", dus "neet vanzelf". Bie diech ies 't gebeurd umdat dien mam 't neet sjpraok, meh doe bies noe waal hendig geinterseerd! Väöl kinger lièren 't dialek in dat soort situeaties dan waal wir op sjoal ;). En es se dao ander dialekte huèrs en de nums dao get van euver, dan verdwient e dialek neet, meh dan verandert 't. Wat dat Vlorps-Etsberger betref moes se toch proberen 't in groater en objectiever verband te zeen! Alle gehuchte höbbe euveral, en neet allein in Etsberg, volges hun inweunersj, opvallende kènmerke! (Luuj zint zoa bang genegeerd te were of bang dat hun dialek verdwient of dat 't verkièrd beneump weurt!) Meh dat opvallende vèlt meistal bès waal mèt (of tege)! --Aelske 25 fib 2010 11:14 (CET)
- V'r zitte ummer nog mèt 't probleem tot dit allemaol oersprunkelek oonderzeuk is. Dat kin gewoen neet, sorry. 't Artikel eweggoeje zouw ouch zun zien, iech wèl 't lever nao de Wikipedia-naomruumde verplaotse (en edereine aofraoje mie vaan dit soort artikele te make!). Daan zal iech, op basis vaan wat te vinde is, vaandaog of mörge wel 'n artikel euver 't Vlórps sjrieve. Wat Aelske zeet is ouch woer: dialeksprekers meine dèks tot dao groete versjèlle zien, die eigelek bès mètvalle. Zelf zègkste ouch al tot 't allein de rollende r en de dikker l zien, marginaol accentversjèlle dös. Es die versjèlle al bestoon, daan kinste die gemekelek kort in 'n artikel Vlórps neume. En daan nog: allein es dao gesjreve literatuur euver is. De moos veural mer taolkundege weure, daan lierste ouch op 'n objectief en wetensjappeleke meneer nao taol en taolversjèlle kieke, en daan kin dien aofstudeerscriptie euver 't Vlórps goon, mèt ouch e paar opmerkinge euver Ètsberg. Steinbach 25 fib 2010 12:10 (CET)
- Ich snap 't allemaol waal, mer 't mót gezag: vannen eine kantj wille veer gein minimaal dialekstumpkes, terwiel die veur luuj die ane angere kantj vanne provincie wone toch nöttig kinne zeen. Waal vinj ich des se 'n aafwiekendj dialek, wie marginaal dan ouch, bie ziene plaatselike naam mós neume (en bie gein versjèlle nag ummer daobie moogs neume). Gein dialek is mieë of minder waerd es innig anger dialek. Troewes, gruuedje van plaatse is ouch meh relatief. Dao zeen plaetskes wo 't aantal dialekspraekers in de 90% lik, det fèl in kóntras steit mit sómmige verstaejelikdje gebiede.
Waat de conclusie ouch moge zeen, laot dees informatie estebleef neet verdwiene! --DeSeel 25 fib 2010 21:12 (CET)
't Debat is al e tiedsje tot stèlstand gekoume. Iech höb noe de knoup doorgehak en 't artikel verplaots. Dao wèl iech aon touwveuge tot Wikipedia:Opslaag gein excuus maag weure um alderlei oersprunkelek oonderzeuk op Wikipedia te goon publicere, dit is 'n einmaolege actie um de info neet te doen verdwijne. Zeuk uuch in 't vervolg lever wetensjappeleke tiedsjrifte op! Steinbach 13 mrt 2010 13:08 (CET)