Euverlèk:Zujelik Oes-Limburgs

Det van die aanligkendje dörper is waor aafhenkelik vanne diffenisie. De spraekendje kaart guuef hie e veurbeeldj oet Braebere wo 'ne spraeker te huueren is dae op väöl plaatse nag ummer de zaachte g realiseert (meh waal weer "janse" veur "ganse") en netuurlik ouch wuuert(/woort?) in Vuch nag "gewuuen" Oeas-Limbörgs gekaldj (-lik). Bie dees dialekte huuert me juus wie de Ripuarisch-Limbörgse dialekte van róndj Haerle 't wäördje "d'r" (ouch in ajer Mofers!) en r-sjoewheid (sjwatte, hat), meh weer de wèstelike vorm -lik en neet -lich. De vraog is dus woots te prónt de grens wils trèkke: es 't bie -lik/-lich zeen die allebei nag OL (Haerles weer neet), bie zègke/zare weit ich 't neet zoea drek (meh waal mekkelik op te zeuke) en bie good/jood zówwen ouch Haerles/Gölpes ónger OL valle. Mit anger wäörd: 't typisch dialectueel continuüm :) --OosWesThoesBes (euverlègk) 18 mrt 2021 22:21 (CET)

Jehjao, daorum bin iech ouch zoe veurziechteg. 't WLD heet gein formeel criteria opgegeve boeveur ze noe zjus dees grenze höbbe getrokke, dus ze laote ziech neet ein op ein doortrèkke. Daobij kin Vuch ouch nog bès oonder Noordelek Oos-Limbörgs valle. Eigelek geit wie 't noe steit al te wied, want dit is oersprunkelek oonderzeuk. Meh de kins ech wel zègke tot de dialekte vaan de Zelfkant väöl liekene op wat me aon euze kant vaan de grens sprik, dus alloh daan mer. Steinbach 🦇 (euverlègk) 18 mrt 2021 22:56 (CET)

Jao, eigelik waal, mer es 't oet gesjreve/gespraoke brónne bliek det e dialek ane kinmirke volduit liek 't mich zat veur 't örges ónger te plaatse. Boetedet is 't WLD absoluut neet heilig. Ich höb häör e-WLD 'ns bekeken en 't stik dao vanne foute (óntbraeke van t-deletie mit naam, mer ouch ram verkieërdje klinkers), dus ich vraog mich waal 'ns aaf wiezieër de grenze die zie getroch höbben euverein kómme mitte realiteit. Mer alleh, det is dan ech oearsprunkelik óngerzeuk :P

Mit betrèkking toet Vuch es Noordelik, dao zaes te mich get; ich mein van neet (es aad-aje/aud-awwe de grens is). Mer ouch det is zoea op te zeuke. --OosWesThoesBes (euverlègk) 19 mrt 2021 08:13 (CET)

Boe lui wèrke, weure foute gemaak, natuurlek. Daobij waor 't WLD zienen ierste zörg 't vocabulair, neet klaanke of grammatica. Meh veer gebruke de indeiling wie zij die höbbe gemaak, dus de moos al 'n verdöld gooj rei höbbe veur daovaan aof te wieke... Steinbach 🦇 (euverlègk) 19 mrt 2021 10:46 (CET)

Nae, precies det. Boetedet zeen de grenze nag ummer in bewaeging. Mit naam in Pruses zal alles duchtig verkölsj zeen innen tössentied, dewiel in Nederlandj en Belsj juus weer taengebewaegingen ane gang zeen, en is Ech dan weer van stad nao sjtad gegange (vreuger waas Mofert dao dus gèn spraokeilandj van). --OosWesThoesBes (euverlègk) 19 mrt 2021 15:29 (CET)

Es ich zón dinger laes, mit naam die twiefelgevelkes wo sómmige dialekte neet good wete te keze, stèl ich mich det dialeklandjsjap van Limbörg toch ummer veur wie eine puinzooj, meh det is juus waat 't ouch zoea sjoean maak :) --OosWesThoesBes (euverlègk) 19 mrt 2021 15:57 (CET)

Mehzeker! In Mestreech zeet trouwens ouch zeker de hèlf Eve de sjtóp aof, de sjtruuk in veur te pisse. De Panninger Linie is dujelek nao 't weste aon 't loupe. Steinbach 🦇 (euverlègk) 19 mrt 2021 16:07 (CET)

@Steins: Ich haw det zinke d'rbiegezatj ómdet 't Maersjes noe es get geïsoleerds wuuert neergezatj. Of det "aafzitte taengen 't Mestreechs" ech zoea is betwiefel ich, mit naam es te zuus det det gebied väöl wiejer doorlöp es allein Maersje. --OosWesThoesBes (euverlègk) 19 mrt 2021 16:10 (CET)

dat/det; in Zöstere zègke ze inderdaad nag det, dus örges dao-ónger mót de grens loupe. --OosWesThoesBes (euverlègk) 19 mrt 2021 19:57 (CET)