Euverlèk:Zjenever

Laatste reactie: 2 jaar geleden door Ooswesthoesbes

Dit is ein van die gevalle wo (e-)WLD gevieërlik is. Ich zeen det wawwelwater hie ouch in 't Mofers wuuert opgegaeven es jenever, meh det is neet gans richtig. "wawwelwater" = "spraekwater", en kan dus ouch good ulezeiver (kruidenbitter) of angere sterkendrank of beer nag waal zeen. Bakkes guuef in zie waordebook prónt dezen toestandj waer en guuef es richtige vertaling "snaps". In Vloearep is det neet anges. Door det hie es synoniem van jenever neer te zitte liek mich dus neet verstenjig. Wo ze troewes "babbelwater" vanaaf gehaoldj höbbe weit ich al gaar neet, went "babbele" is zeer zeker gei Mofers. --OosWesThoesBes (euverlègk) 24 apr 2021 07:14 (CEST)Reageren

't e-WLD gief ouch dröpke, s(j)naps en mie vaan dat soort wäörd veur 'jenever', dewijl ouch dat edere vörm vaan sterk kin zien. Meh 't steit wel vas tot zjenever in gans Nederland, Limbörg zjus zoe good, iewelaank veeroet 't gebrukelekste dröpke waor. Daan is 't ouch neet zoe gek este, op de vraog 'wat zègk d'r tege Nederlands "jenever"' es antwoord dröpke, sjnaps of wawwelwater krijgs. En de verwarring mèt brandewien etc. ligk ouch veur de hand. De zals nog wel ins dèkser e synoniem tegekoume wat neet euveral in Limbörg perceis dezelfde beteikenis heet. Steinbach 🦇 (euverlègk) 24 apr 2021 10:59 (CEST)Reageren
Det is zeker waor. 't Versjil is det ich es ich mich e snepske bestèl bie mie stamkefeeke ich 'ne jónge klaore krieg. Es ich wawwelwater bestèl zal dao of 'n vraog op volge waat ich prónt wil höbbe, of mesjiens nag waal e vieuxke, went 'ne vaste klantj begintj daovan te zeivere :) --OosWesThoesBes (euverlègk) 26 apr 2021 10:06 (CEST)Reageren
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Zjenever&oldid=448701"
Terugkeren naar de pagina "Zjenever".