Euverlèk:Urks

10,770 bytes, versjrikkelik... Iech kós miech eve neet inhawwe... Noe veul iech miech moreel verpliech um es tegewiech ouch 't artikel Mestreechs oet te breie, um nog rillevant te blieve veur Limburgers :-). Steinbach (vreuger HaafLimbo) 23 jun 2007 23:01 (CEST)

H-deletie

Steinbach, ivm 't Urks en d'r invloed oet Zwolle: 'ch han ooch oeëts 'ns vernaome of gelaeze dat d'r 'n h-delete zuid-noord isoglosse besjtèèt of besjtande haat. --Mergelsberg 26 jun 2007 01:27 (CEST)

Iech snap neet perceis wat geer bedoelt, meh iech kin uuch wel vertèlle tot de h-deletie roond Kampen en Zwolle inclusief Urk 'n enclaaf is. In 't zuidweste vaan 't "Nederlands taolgebeed" (vergeef miech d'n term, iech zègk dat eve zoe um 't kort en dudelik oet te drökke) ligk d'r 'n väól groeter h-deletiegebeed, dat haos gans 't Ziews, 't Wes- en Frans-Vlaoms, 't Oos-Vlaoms en de mieste Braobantse dialekte umvat. Dao kump 't laote valle ouch neet vaan de mèt e Frans accint praotende elite, meh gewoen vaan 't volk: 't Laote valle vaan de h is dao via 't Picardisch de taolgrens euvergestoke en heet ziech wie 'n besmettelike krenkde euver e hiel groet gebeed verspreid. Steinbach (vreuger HaafLimbo) 26 jun 2007 11:14 (CEST)

Hoi, 'ch wèèt van de zgn h-deletie-enclave in Vlaandere mae die sjluut aan op 't plat van 't Welzje Henegouwe, dat wer aansjluut op 't Picardisch in Fraanriek. Dör Belsj en 't noorde va Fraankriek is 'n zuid-noord h-deletie-isoglosse te zieë. En es me de Romaans-Germaanse taalgrens effe oet d'r kop zit is d'r dus gèng sjprake van 'n Vlamsje h-deletie enclave.

Mieng vraog is noe:

• wienieë is die zuid-noord h-deletie-isoglosse oontsjtande;
• gèèt die, of haat die, boete Zeeuwsvlaandere op 't Hollendsj wieër cq wieër gegange en bies oeë? Of is dat nog neet oonderzoch?

Ich zoog op d'r hollendsje wiki dat de h-deletie in Urk 't gevolg zow zieë van de h-deletie in Zjwolle umdat de baovelaog dao in d'r 18de ieëw Fraans gong kalle. Es dao geen h-deletie substraat waor, liegkt mich dat ieëder 'n sjtaerk verhaol.--Mergelsberg 27 jun 2007 09:47 (CEST)

Dat lèste in zeker gei sterk verhaol. 't Eweglaote vaan de h neump in dialektologische kring "besmettelik": 't verspreit ziech al gaw euver e groet gebeed. Meh de h-deletie in zuidwes-Nederland steit dao ech los vaan.

Wie aajd ze perceis is is neet bekind meh al aon 't begin vaan de nuien tied waor 't wied doorgedroonge. Woe 't evurkump is trouwes al tientalle kiere oonderzoch. Wie iech bove al zag: in Nederland kump 't in gans Zieland en in westelik Noord-Braobant veur. Meh bij de Grevelinge en bij 't Hollands Diep is dat perces gestop. In 't Hollands is h-deletie allein in klein enclaves bekind. Zoe is beveurbild Vlaardingen tot op d'n daag vaan vendaog h-vrij (dat wèlt zègke: de autochtoon volksklasse sprik ze neet oet). Meh in plaotse wie Dordrech en Rotterdam is die h-deletie noets veurgekómme. 't H-loes gebeed in 't zuidweste heet dus NIKS te make mèt de h-deletie roond Kampen en Zwolle, behave tot 't oetindelik vaan Romaansen oorsproonk is.. Steinbach (vreuger HaafLimbo) 27 jun 2007 11:06 (CEST)

Miervoude

Opmarking: naos de uutgang -ings he-j oek -ingen (bv. ongerverdielingen). Servien 25 jun 2007 23:51 (CEST)

Mit dat stukjen wat ik eschreven hebbe bedoel ik da-j naos de meervoudsuutgang -ings oek de uutgang -ingen hem (dit kump vaker veur) in 't stukjen steet namelijk dat 't Urkers vaker de s-meervoud hef, en as veurbeeld wonnen kettings eneumd, dat is meschien toevallig bie dat woord zo, mar veur de res bi-k allinnig nog mar -ingen tegen-ekömen). Servien 26 jun 2007 11:57 (CEST)

Dee constatering is nich van meejzölf. Dat ston joa zo in dat beuksken van Harrie Scholtmeijer da'k veur dit artikel gebroekt heb. Da's dus ne gezaghebbende, publiceerde bron en doar ku'j zo ne bewering wal oet oavernemen. Steinbach (vreuger HaafLimbo) 26 jun 2007 12:50 (CEST)

Je kunnen 't wel overnemen mar dan denk iederene gelieke dat alle ing-woorden op een meervoud-s eindigen, dat geef een verkeerde indrok. Ik heb veerder nog twee kleine verbeteringen emaak, en ik hebbe op 't artikel veur 't Nedersaksisch dan toch mar 't onderzeuk eplaos :). Servien 26 jun 2007 18:03 (CEST)