Euverlèk:Olympische Zomerspeule 2016

Iech snap dees wijziging neet: 't woord sport kin zoewel mannelek es vrouwelek zien (zuuch hei), mer in ein zin twie versjèllende geslachte gebruke liek miech vreemp... - Pahles | zègk 't mer 24 aug 2016 21:50 (CEST)

Veur mie geveul is sport e mannelek woord (is in 't Duits ouch zoe), en es iech 't örges vrouwelek höb gemaak, is dat 'n vergissing. Die wouw iech corrigere, daobij höb iech neet op de res vaan de zin gelèt. Steinbach Maak de wereld sjoender, besjrijf häöm op Wikipedia! 24 aug 2016 23:53 (CEST)

Aon d'n aandere kant: es Nederlandstaolege dictionaire en woordelieste e woord es 'mannelek of vrouwelek' geve, is 't miestens vaanajds vrouwelek, ouch in de Limbörgse dialekte. Veur sport, e modern lienwoord, kin dat weer aanders ligke. 't Probleem is tot iech dat neet kin naozeuke, umtot de NMD wäörd die in 't Nederlands en 't Mestreech geliek zien miestens neet opnump. Steinbach Maak de wereld sjoender, besjrijf häöm op Wikipedia! 24 aug 2016 23:59 (CEST)

't Kump oet 't Ingels, normaal gespraoke is 't den mennelik. Veur mie geveul is 't ouch mennelik. --OosWesThoesBes (euverlègk) 25 aug 2016 11:13 (CEST)

Mien geveul zeet zjus vrouwelek, mer dat zal 'nen Nederlandsen invlood zien (een sport). - Pahles | zègk 't mer 25 aug 2016 12:05 (CEST)

Jao, es ich twiefel perbeer ich 't ummer oet mit e betrèkkelik veurnaamwoord: "de sport dae" klink mich baeter es "de sport die". --OosWesThoesBes (euverlègk) 25 aug 2016 12:49 (CEST)

Veur miech dus neet... - Pahles | zègk 't mer 25 aug 2016 17:19 (CEST)