Euverlèk:Mofers

Noe veltj mich óp èns get óp. In Mofert zaet me "haet" veur 3e persoean ink, mer "höbs" veur de 2e persoean bie mien weite. Örges liek mich dit verdach vraemp det in de 3e pers 'n umlaut veurkömp en in de 2e persoean neet. Vergeliek ouch: kumps/kump/kómme, wuuers/wuuers/waere, löps/löp/loupe, brèks/brèk/braeke, zaes/zaet/zègke, etc. Zów 't neet eigelik "haes" mótte zeen wie ouch in 't Posters of is die vorm neet veurkómmendj in 't Mofers? --OosWesThoesBes 12 aug 2009 21:44 (CEST)

Daag! De Moferter wirkwaordsvörm van höbbe wieke inderdaad aaf van de regel. Haes is bie mien weite gei Mofers, al weit ich toevallig waal det in Zjwame de vörm naevenein veurkómme (zjwaamswaordebook.swalmen.net). Mofert lik waarsjienlik te zujelik, want in Noord-Limburg is haes de meis veurkómmendje vorm. In Mestreech zègke ze dan ouch weer diech höbs en heer heet. Euveriges zègke ze in Mestreech diech zèks, heer zeet, det verdach liek op oos situatie bie höbbe.

In Kirkraoj wiek 't wirkwaord gans aaf: iech han, doe has, heë hat, vier hant, etc. Meh jeh, det is dan ouch e Ripuarisch dialek. ;) --Ed vanne Seel 13 aug 2009 10:17 (CEST)

Ok, danke veure informasie :) --OosWesThoesBes 13 aug 2009 11:25 (CEST)

Doe

Ich laes: "'t Waord "dich" kump ouch in 't Mofers veur es twieëdje persoean inkelvoud, mer dan alein mer es 't waord 'n veurwerp van de zin is. Veurbeeldj: "Höbs se dich pien gedaon?"." Dit is zoeaget 't slechste veurbeild det te gaeve vèltj, went hie is "dich" volges mich toch èch 'n wederkerendj veurnaamwaordj.. Kèn det neet e baeter veurbeeldzinke kriege? --OosWesThoesBes 3 okt 2009 12:03 (CEST)

Dictee

Iech zouw dao wel gere 'ne brón veur höbbe, 'n website ofzoe. Aanders is 't toch mie 'n saort oersprunkelek oonderzeuk daan wel incrowd-kinnes. ⵙⵜⴰⵢⵏⴱⴰⵅ 23 okt 2011 19:43 (CEST)

Ich dink det zoea get allein mer in dinger wie 't Kirkeblaedje versjientj en neet online. Mesjiens det 't inne loup van dees waek op mofert.nl kump. Ich zal d'r 'ns veur oplètte :) --OosWesThoesBes 23 okt 2011 20:06 (CEST)

't Plaotselek kèrkebleedsje is ouch 'ne brón, al kos 't get mie meujte um dee in te zien. ⵙⵜⴰⵢⵏⴱⴰⵅ 23 okt 2011 22:13 (CEST)

Ah ok, den zal 't dao waal wersjienlik in te kómme staon. --OosWesThoesBes 23 okt 2011 22:28 (CEST)

Daan citeer 't mer es 't zoewied is. ⵙⵜⴰⵢⵏⴱⴰⵅ 23 okt 2011 22:32 (CEST)

Is good; ich zal 't perbere te ónthaje :) --OosWesThoesBes 23 okt 2011 22:35 (CEST)

Wie wiejer?

Ich zit hie al e tiedje vas. Gaer zów ich get mieë wille sjrieven euvere klanklieër, meh wiezieër 't bepirk is toet 't Mofers weit ich neet en is onneet op te zeuke. Op det puntj höbbe v'r in Mofert mit Bakkes puur luxe. Dae haet zoget euver alles wo get euver te sjrieven is ouch get gesjreve; de res vanne dialekten inne ómgaeving is ieëlenj-troef... Waat zal ich dan doon: 1. hieël bepirk sjrieven euver hieël dudelike aafwiekinge van anger dialekte (en meugelik dus dinger euverslaon); of 2. oetveurig de klanklieër besjrieven op basis van Bakkes zie werk sónger wiejeren oetligk euvere wie apaart 't is? --OosWesThoesBes (euverlègk) 29 mei 2020 20:10 (CEST)

Dat is 'n intrèssante vraog. In dien positie zouw iech mer opsjrieve wat 't Mofers heet op plaotse boe väöl Limbörgse dialekte get aanders höbbe. De hoofs 't neet mèt alle soorte plat oet de Roerstreek te vergelieke, meh de kins in eder geval zègke tot in 't Mofers de sjerplang o es oea klink, boe dat in de mieste soorte Limbörgs oeë is en in 't Remunds oo. Dat kump edere Moferter vaan pas dee in zien eige dörp/stedsje lui zoewel groot es groeat huurt zègke en wèlt weite wat good Mofers is.

Dien opmerking bringk miech trouwens op 'n aander punt. De aofgeloupe 15 jaor - veur minder daon iech 't neet - höbbe veer us geconcentreerd op 't aonmake vaan artikele euver dialekte vaan eder plaots apaart. Veur 't Limbörgs is dat ouch neet oonlogisch, umtot de variatie enorm is. Meh iech veul deveur um mie aondach te stoppe in striekdialekte en de artikele euver dörpsdialekte zoeväöl meugelek te beperke tot de specifieke dinger veur dat dialek. Noe zouwste in dit geval neet zoe versjrikkelek väöl avvecere, want Mofers huurt gluif iech ofwel bij 't Noord-Oos-Limbörgs ('ne riechtege vergaarbak mèt wieneg einheid) of tot 't Häörlands, meh dit is wel get veur in bedink te numme. Steinbach (euverlègk) 29 mei 2020 21:19 (CEST)

Dan zólle v'r 't dao ouch veur noe bie haje.

Det lèste is ouch wiezoea ich 't zoea lestig vinj. Moferter luuj zeen 'n apaart slaag vouk en det lieëtj zich ouch zeen ane spraok. 't Mofers is eigentlik 't Meiels in 't klein: v'r passe neet in 't Echterlandjs, neet in 't breid-Häörs en neet in 't Remunjs. Zelfs de indeiling tösse Centraal- en Oeas-Limbörgs is neet ech te make. V'r zègke waal stein wie 't Häörs, meh de (verdeiling vanne) mouillering en t-deletie, de grammatica en 't waordgebroek is dudelik oeasteliker van kluuer; in hieël traditioneel Mofers zelfs stein (wèstelik) en flesj (oeastelik). Dao kump onnag bie det de intonatie van vraogzinne nao 't Remunjs trèk, meh de neutralen toean van aadshaer oet sleiptuuenig is (wie in Zöstere, Zitterd etc.). 't Is mich 'ne potpourri :P --OosWesThoesBes (euverlègk) 29 mei 2020 21:33 (CEST)