Euverlèk:Leve

Hoi, oorsjpronkelek is dat inderdaad 'n Friese koo mae die is eind 19de ieëw in Canada wieërgefokt op 't gaeve va milk en in de jaore 60 wer truuk nao hie brach. In de milkboerderieje hie ziet me die äöveraal. Knaoëkig, zjwart-boont, groeët va postuur en 'ne enorme uuër.--Mergelsberg 5 jan 2008 23:32 (CET)

De Mins is e bies? In welk opzich is d'r miensj 'n bjès? Dat maog ooch dao d'r bie sjtoeë vin 'ch. Op 't Belsj haat 't 'n bekaande anecdote: d'r zoon zaet an d'r pap dat de luuj van de ape aafsjtamme. Dao-op zaet d'r pap: doe mesjie, mae ich in alle geval neet! --Mergelsberg 5 jan 2008 23:47 (CET)

Mergelsberg, de deis es-ofs te verbaas bis! Bij mien wete is dees indeiling toch algemein bekind? Netuurlek is die aofstamming vaan de ape oonzin, v'r höbbe wel 'ne gemeinsjappeleke veurvajer. - PAhles 6 jan 2008 00:27 (CET)

Jeh, haw m'ch op, dat liert me toch op sjaol? De mins kin ziech bewege, aosemp zoerstof (hehheh...) in en kooldioxied oet (verbranding), plant ziech veur door meiose en zien celle höbbe 'nen kern en e celmembraan meh gein celwand. Dao is niks wat 'ne mins tot get aanders es e bies maak; veer zien bieste in eder opziech. Of zouw me ziech lever 'n plant, 'n bacterie of 'ne sjömmel veule? Σταίνβαχ Maak alle wio's aof! 6 jan 2008 10:53 (CET)

In biologisch opzich mot me 'ne miensj zieëker waal 'n deer neume. En dat gegaeve wèrkt tamelek fundamenteel. Es dao get neet in orde is, blokkert dat de ander niveau's die 'n deer neet kan bereike. Dit is lang oontkènt dör mechtige instanties wie religies, die bewaerde dat d'r miensj gee deer zow zieë. Mèt alle nefaste gevolge vandien. In die richting mot d'r mien sjtandpeunt dus ooch neet zeuke.

Mae dere kan me neet verantwoordelek sjtèlle en ter verantwoording rope väör hön gedrag en luuj waal. Kinne dere get sjön of sjrao vinge, haant dere 'n esthetisch vermoge? Kinne dere oet niks get make? Bijv. 'n muzieksjtuk? Of de antibiotica. Luuj kènne reflectere, töt inzich kaome en ze kènne kalle en communicere. Dere kalle en communicere ooch, mae op 'n ander niveau. VB 'n Deer kan get vatte (concreet) mae neet bevatte (abstract). Dere were gedraeve dör instincte, luuj haant bie 'n gooj ontwikkeling 'n intuïtie, die evvel rationeel van aard is en neet chemisch/biologisch. Dere kinne neet bewus ingriepe en oontwikkelinge kieëre en luuj waal. enz enz.

Ich vin 'n nuancering nuëdèg en zieëker aa-braat: D'r miensj is op de örsjte plaatsj ooch 'n deer.--Mergelsberg 6 jan 2008 11:32 (CET)

Iech weit 't neet. Is wats diech zègks neet mier 'n filosofische benadering? 't Geit hei toch puur um de biologische indeiling. - PAhles 6 jan 2008 12:00 (CET)

Iech bin 't mèt Pahles eins. "Leve" is toch par excellence e biologisch artikel. De mins es get aanders es e dier is mesjiens get veur 'n paragraaf op mins. Σταίνβαχ Maak alle wio's aof! 6 jan 2008 12:18 (CET)

De eeuwe aaj discussie of 'ne miens 'n dier is of neet duuk weer 'ns op. Miense zeen gweun diere en sommige miense gedrage zich dao nag steeds heel erg nao (ich nóm gein veurbeelde) Dit is 'n typisch vraogstök wo de miens neet alles kin begriepe. Dit is te lestig veur de gweune miens en dees discussie besteit al sins 't begin det de miens 'óndierlik' begós te waere, nemes kaltj zich veur op dees discussie, want d'r is gein antjwaord op. Biologisch gezeen stöm ich in bie Steinbach en PAhles. Intellgenter zeen de (meiste) miense waal, dus 'ne miens is gweun 'n baovedierlik intelligent dier. --OosWesThoesBes 6 jan 2008 14:04 (CET)

De mins is biologisch gezeen zeker e bies. De opdeiling is namelek gebaseerd op celbouw, en zoe is de mins e bies. Uzze celle lieke hiel väöl op aander bieste, en ouch us cellulair metabolsime is vrewel geliek aon beveurbeeld e verke. Filosofisch en gedragsmatig kins ste netuurlek de mins es e apaarte soort zien, mèh ouch in de "gewoene" biologie is de mins speciaal. De opeiling die op dis pagina steit is vrij grof. Es v'r de ganse taxonomische opdeiling hei zowwe bespreke, daan zow dit artikel enorm laank weure, en gein betrèkking mie höbbe op 't lemma. Veur de ganse taxonomische opdeiling, kiek bij taxonomie, allewel dat artikel zeker oetgebreid maog weure. Mèh iech zal e gedeilte aonmake euver 't filosofische leve - aongezeen dat netuurlek ouch betrèkking heet op "leve". Mit vreunteleke groete, Tenth Plague 7 jan 2008 15:22 (CET)