Euverlèk:Kelment

Laatste reactie: 14 jaar geleden door Aelske

Ich höb noajt geweite dat de St. Hubertusmeule in Kelmond ligk. Dit mót volges mich Klein-Genhout zeen. Op Wiki nl sjteit 't good aangegaeve. Zuug Wikipedia NL, Genhout en Wikipedia NL, Sint Hubertusmolen. Wae is de eigenaer van dit artikel en mót dit neet waere aangepas? Pivos 5 okt 2009 23:51 (CEST)Reageren

De windmeule liek op 't plateau bove Kelment en idd. ouch in de buurt van Genhout. Veer zègke ummer: de sjtanderdmeule van Kelment meh de kèns natuurlik ouch zègke de meule van Genhout. Ze liegk namelik tösje de twie dörper in. Iech zal ze dao ouch vermelde.--Aelske 6 okt 2009 00:11 (CEST) Ze sjteit ouch in 't artikel Genhout geneump. Windmeules liegke noats IN 'n plaats meh deboete op 'ne berg. Zoa es ouch de meule van De Berg neet IN Ubachsberg liek meh op de Vrouwehei bie Mingesjborg--Aelske 6 okt 2009 09:50 (CEST)Reageren
Ónkanks dat de meule korter bie Kelment ligk, ligk ze waal degelik op 't gróndjgebied van Klein-Genhout. Historisch gezeen heuërt ze dus bie Klein-Genhout. In toeristische gidse wirt dan ouch altied gesjpraoke euver de "meule van Genhout". Ich zelf höb nog noajt, in mien 65-jaor dat ich hiej róndjloup, geheuërt van de "meule van Kelmont". Es geer zelf zegk dat "de sjtanderdmeule van Kelment" zal dat waal mótte zeen: "de sjtanderdmeule BIE Kelment" Pivos 6 okt 2009 10:54 (CEST)Reageren
Woarum moet die informatie bie Kelment weg? Zuug mien antwoord hiebove. Meules die in 't ope veld liegke kènne bès in artikele van de diverse umliegkende plaatse geneump were. Bie welke plaats ze "huère", dat ies toch neet relevant (en dat verandert ouch nog dèks, zoawie gemeintes verandere) en wat toeristische beukskes sjrieve? wat weite die sjrieversj miè es veer, die vlak bie die meules wone? Vergeliek de windmeules die geneump were (meistal in mièrder artikele) in: Gronsveld (die plek liegk noe in De Heeg en hendig wied weg van Gronsveld), die van Ubachsberg (op de Vrouwehei en eigelik korterbie Mingersborg) en die van Klumme (eigelik op de Euverhièk) en die van Nut eigelik in (Hunnecum). Op internet weurt de Huberusmeule aan Baek (...) toegesjreve, umdat ze toevallig noe in die gemeinte liegk. 't Ies mer wies se 't bekieks.--Aelske 11 okt 2009 10:53 (CEST)Reageren
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Kelment&oldid=178500"
Terugkeren naar de pagina "Kelment".