Euverlèk:Joededom

Jäö?

Iech wèl gere wete boe de term 'Jäödom' vandan kump?

In 't Mestreechs spreek iech vaan 'ne Joed en Joede. Iech höb eve zitte snuffele en vin 'n verwijzing nao 'ne blog (gesjreve door 'ne neet-Mestreechteneer, es iech 't good höb kump 'r oet Weert) via de NL wikipedia, boe inderdaad gesproke weurt euver 'Jäö' es Mestreechs woord veur 'Joden'. Iech höb dao evels mien twiefels euver. In ein vaan de commentare op deze blogpost weurt gesproke euver de femilie 'de Jode', een femilie van drökkers. 't Zal wel towval zien tot noe een drökkerijmuseum in de Jäöstraot in Mestreech is gevestig...

D'r weurt evels wel gesproke euver de Franse naom 'Rue de la Jeunesse' (in het nederlands: Jeugdstraat). Daorum is woersjienelik de heibel oontstande roond 't huidige naombord vaan de Jäöstraot, dewijl Veldeke zag dat 't 'Jäögstraot' mós zien.

Wee kin miech inziech geve in de zjuste benaoming vaan de 'Joede'? - PAhles 25 mei 2007 09:54 (CEST)

In 't Valkebergs ies 't: juud, jude. Iech höb ouch van die sjtraotnaamverbastering gehuèrd (Jäöstraot), bie 'n excursie mèt Veldekebesjtuur Mestreech in 2006--Aelske 25 mei 2007 10:03 (CEST)

Aongezeen hei weier geine commentaar gief, bin iech van plan dees pagina te verplaotse nao Joededom. De term Jäö is bij mien wete nörges op gebaseerd. Es iemes toch commentaar hei op heet huur iech 't wel! - PAhles 21 dec 2007 14:23 (CET)

Nae, jäö det is 'ne oetkal wie auw en olé, nieks anges. --OosWesThoesBes 22 dec 2007 16:12 (CET)

Joededom/Joede

Joededom heet miech ummer vreemp in de oere gekloonke. Verplaotse nao Joede? -- Pahles | zègk 't mer 3 fib 2015 12:27 (CET)

Dao bön ich 't neet mit èns. 't Guuef e versjil tösse joeadedóm ('t geluif) en jude ('t vouk). Dit artikel concentreertj zich veurnamelik op det ieëste. De redireks vanoet joede etc. zówwen eigentlik oppen tied ómgezatj mótte waere richting 'n paasj euver 't vouk. Al mót ich dich mitgaeve det joeadedóm inderdaad e bietje vraemp klink, meh ja. Wie dök höbs se-n 't in 't plat ouch euver 't joeads geluif? :) --OosWesThoesBes (euverlègk) 3 fib 2015 12:41 (CET)

Wat Owtb zeet. 't Gief e versjèl tösse 't Joeds volk en 't joeds geluif. Klink diech 't Hollands jodendom ouch vreemp in de oere, Pahles, of heet 't mèt 't versjèl tösse standaardtaol en plat te make? Ouch in 't lèste geval zouw iech trouwens ummer nog veur joededom zien: Veur 'n encyclopedie moot 't taol weure oetgebouwd en daan krijgste mèt nui wäörd te make... Steinbach (euverlègk) 3 fib 2015 14:24 (CET)

Prima, daan laote v'r 't zoe. -- Pahles | zègk 't mer 3 fib 2015 15:06 (CET)

hoegtepönt/deepdepönt

Wiezieër ich 't daomit èns bön en ich vinj det ederein det zów mótte vinje, blief dit neet euvereinkómme mit NPOV. Ich dink det dae ganse zats ómgeboewdj mót waere, meh wie persies kóm ich neet oet. --OosWesThoesBes (euverlègk) 15 mrt 2022 08:10 (CET)