Euverlèk:Indogermaanse taole

Ich wis neet dat de terme indogermaanse en indo-europeese tale synonieme zeunt. Ich miengde dat (proto)indogermaans d'r gemeensjappeleke väörloper van de indogermaanse tale 't Gotisch, 't Westgermaans en de Scandinavische tale waor en dus 'n aafsjpitsing van 't (proto)indo-europees, dat d'r väörloper is van alle (van oorsjprong) indo-europese tale (behalve Baskisch en pictisch). --Mergelsberg 10 aug 2007 12:14 (CEST)

Nein, dat is neet. De gemeinsjappelike veurluiper vaan alle Germaanse taole hèt gewoen Proto-Germaans. 't Indogermaans is geneump nao de zuidoostelikste en noordwestelikste exponent vaan de taolfamilie, de Indische en de Germaanse taole (de Keltische taole woorte in 't begin nog neet tot 't Indogermaans gerekend). Dao kump nog oetlègk euver in 't artikel. ᔅᑕᐃᓐᐸᐦ 10 aug 2007 12:21 (CEST)

Ich bèn geneigd öm de Romaans-angelsaksische visie te volge. D'r term Urheimat verlangt daobie nao mieng opvatting 'ne oetlègk övver:

• de ieëder genealogische opvatting die an dis theorie ten groondsjlag liegkt en die 'n te groeëte vereenvoudiging van de werekelèke oontwikkeling van de tale is.
• 't te eenvoudèg väörgesjtèld verbaand tössje 'n taal en 'n cultureel identitèèt, die da wer niks övver perzoeëne hoeft te zigke.

Ich mieng dat de theorie in ziene tied geplaatsjt mot waeëre en dae tied is d'r verlaeje tied. --Mergelsberg 22 aug 2007 02:01 (CEST)

D'r weurt hei hielemaol neet gesproke euver twie opvattinge, allein euver twie versjèllende naome! En geine vaan de naome dèk de laojing ech good. De Indogermaanse volker koume naomelek neet oet Europa, boe veur de vesteging vaan Kelte, Germane, Italiërs en Baltoslave ander taole gesproke woorte: Iberisch, Finoegrische taole etc. Wijers is t'r niks verawwerd aon de term Urheimat in de zin vaan plaots boe de Indogermaanse oertaol gesproke woort. Sterker nog: die term weurt in 't Ingels ouch gebruuk en kump in 't Ingels Wikipedia-artikel versjèllende kiere trök! Dit artikel geit neet euver de genetische band tösse de versjèllende volker die Indogermaanse taole spreke meh euver de versjèllende Indogermaanse taole zelf, dat maag toch wel dudelek zien? Die twie opvattinge diet geer zeet, die zien dao gaaroet neet! Штайнбах Maak alle wio's aof! 22 aug 2007 10:19 (CEST)