Euverlèk:Cyprus

Hoi, bie de landentabel oonder-aa sjtèèt bie Cyprus 'n 2. Es me dao dan kiekt dan list me dat Cyprus geografisch bie Azië huurt. Ich kin neet aandersj veende dan dat Cyprus bie Europa huurt en 't mits oostelek gelaege laand van os continaent is. Waal huurt Cyprus geologisch bie Azie en 'ch zow geografisch dan och verendere in geologisch. Geologisch huurt Rèmmesjdèl bie 't laand va Herf en Norbik en Maer bie de Voersjtreek mae geografisch zieëker neet.--Mergelsberg 5 mrt 2007 10:21 (CET)

Qua cultuur zal Cyprus inderdaad bij Europa hure, meh puur nao geografie (ligking op de Eerd) gekeke, ligk 't in Zuid-west Azië. - PAhles 5 mrt 2007 10:48 (CET)

Kiek: de geschiedenis van Cyprus, 2000 (van de prehistorie bies noe), Alain Blondy, hoogleraar an de Sorbonne. Allèng puur nao geologische kaarte liegkt Cyprus in Azië. Alle geografische kaarte vertèlle os dat 't eiland in Europa liegkt. Missjie geet mieng nuancering te wiet, mae 'ch wil 't waal gezag ha. --Mergelsberg 5 mrt 2007 12:26 (CET)

Iech kin miech vergisse, mer geologie hèlt ziech toch bezig met de processe die de Eerd gevörmp höbbe? Geologische kaarte geven structuren en laoge in de oondergroond aon. Geografische kaarte (iech num aon dats te hij topografische kaarte bedoels) zègke miech toch ech dat Cyprus bij Azië huurt (zuuch ouch het CIA World Factbook)

Hoi, klopt en alling geologisch bezieë huurt Cyprus bie Azië. D'r term geografische kaart is hieël breed. Ich han de kaarte bie dae leenk hiebaove bekaeëke en Cyprus liegkt dao toch in the Middle East en dat is 'n hist.-pol.regio van Africa-Eurasia zoonder duudeleke definitie. Kiek Middle-East op d'r ingelsje wiki. Ich zow d'r term geografisch gaans e-weg laote en sjrieve dat Cyprus in 't Midden-Ooste ipv Azië liegkt en deel oetmakjt van de EU. Me kint dat, mieë oetgebreid en genuanceerd och in 't artikel zitte natuurlek. --Mergelsberg 5 mrt 2007 15:04 (CET)

De term Midde-Ooste is inderdaad 'n oondudelike definitie, dus dee mótte v'r neet gebruke (euveriges weurt 't Midde-Ooste tot Wes Azië gerekend). Op de Ingelse Wikipedia weurt Cyprus ouch tot Zuid-Wes Azië gerekend (zuuch [1] en [2]). Iech kin d'r helaas niks aanders vaan make. Es diech 't artikel wèls oetbreie mós te dat netuurlik gewoen doen. - PAhles 5 mrt 2007 15:31 (CET)

Hoi Pahles, aha, 'ch laes zjuus dat Aardwetensjappe dae brèjje term is in 't Nederlands, oeë alle deelwetensjappen oonder valle, oeë-oonder de geografie. Mae dan nog: de oondudeleke definitie van 't Midde-Ooste sjlèèt op 't gegaeve dat ging uvverèènsjtimming is uvver welke leng boete d'r kern, oeë Cyprus bie huurt, d'r deel van oetmake. Dudelek is waal dat 't geet uvver leng die in de Afrika-Eurasië regio ('n regio dus dae samegesjtild is oet leng in Europa, Azië en Afrika ) ligke en same ingedeeld werre op groond va historisch-politieke argumaente. Van 1878 bies an de zelfsjtandèghèèd van 't eiland in 1959 waor Cyprus Brits. Op de Ingelse wiki huurt Cyprus bie 't Midde Ooste, en dae naam haat mieng vörkeur umdat-e alleszins inhoudelek baeëter gedefiniëerd is es Zuid-West-Azië, d'r naam dae dao och geneumd wert en allèng 'n topografische waeërd haat. Doa wert echter neet Azië geneumd en dat sjtèèt d'r noe waal. Es 'ch d'r tied ving dan zal 'ch mich dao 'ns richtig aa-zitte, want uvver dat eiland is väöl te vertille en nog mieë van te lieëre. In alle geval bedaank vör de bronnen. Ich zal d'r tzt get mit doeë. --Mergelsberg 5 mrt 2007 17:36 (CET)

Zoewel in eus artikel es op de Ingelse wiki weurt Azië genump. Hielemaol oonderaon stoon e paar sjablone, boe-in Cyprus genump weurt. Op de Ingelse wiki steit bij het sjabloon Midde-Ooste zelfs vermeld "Sometimes included..." (neet altied dus). Bij 't sjabloon Europa steit "Entirely in Asia but having socio-political connections with Europe.". Iech kin allein mer concludere dat op de Ingelse wiki steit dat Cyprus in Azië ligk. Nogmaals, dat 't qua cultuur bij Europa huurt twiefel iech neet aon.

Iech dink ieder dat v'r hij te make höbbe met 'n aander interpretatie vaan 't woord geografie. Iech persoenlik dink daan veurnaomelik aon breidte- en lengtegraod. Dat dat mesjiens (en hiel woersjienelik) te beperk is, dat zow kinne. Meh es iech loer nao wat op aander wiki's gebäört, daan dink iech dat ze dao ouch die interpretatie hantere. Feit is dat 't huidige artikel dudelik te beperk is um weier euver te diskussiere, want eigelik steit dao hielemaol niks in. De diskussie tot noe tow geit allein mer euver wat in de sjablone sjabloon:Europa en sjabloon:Azië steit, dus dees diskussie huurt eigelik dao toes.

Iech wèl 't hij noe bij laote. Iemes mót zich inderdaad 'ns deveur zètte um dit artikel behuurlik oet te breie en daan kin vaanalles en nog get gezag weure euver de geografie, geologie en culturele, socio-polletieke en aander connecties mèt Europa. - PAhles 6 mrt 2007 09:37 (CET)

Dus v'r zeunt akkaoërd dat Cyprus topografisch en geologisch bie Azië huurt, historisch-polletiek bie 't Midde-Ooste en sociaal-polletiek bie Europa? Es mie de cursief gesjraeve inhoudeleke argumentaties naeëve-èèn liegkt, welk argumaent haat dan 't mitste mach? En oeë huurt Cyprus dan op de ursjte plaatsj bie? Zoelang dao gèng uvverèènsjtimming uvver is, begin 'ch neet an dat artiekel. Sjtel och vör um de discussie effe te laote ruste. Akkaoërd?--Mergelsberg 6 mrt 2007 13:28 (CET) Dit week-end begin 'ch d'r aan!--Mergelsberg 22 mrt 2007 20:19 (CET)

Griekse naom

Kint mich ieëmes helpe um d'r Griekse naam vör Cyprus in 't Grieks te sjrieve oonder d'r sub-titel Va Kaoëpertied bies Broonstied? --Mergelsberg 27 mrt 2007 00:58 (CEST)

Hoi Mergelsberg, de griekse naom steit debij! - PAhles 27 mrt 2007 07:16 (CEST)

Toeveuging

Iech höb eve de lies vaan distrikte tougeveug op de pagina vaan Cyprus. Iech höb evels wel mer gegok tot de Norbikse variant vaan allewijl allewiel is. Es dat neet riechteg is, moot iemes dat eve veraandere. (: --Ortjens (euverlègk) 21 fib 2013 22:19 (CET)