Euverlèk:Betsehaove

Bèste anoniem. De plaatsname zint noe gesjpeld volges de officieel plaatsnamelies van Veldeke en de provincie Limburg: zuug [[1]]. Die sjpelling kènt nog waal ins aafwieke van wie de bevoking 't zelf sjrief of gesjreve haet. Göllepe weurt gesjreve es Gulpe enz. Zègke ze in Baetsehaove ipv Betsehaove?--Aelske 28 sep 2009 20:13 (CEST). En woarum moet orchideeën mèt 'n? Mièvoud in 't Limburgs ies zónder n.--Aelske 28 sep 2009 20:14 (CEST)

Es ze in Wielder Göllepe zègke zow me dat nao analogie van Noorbaek (V'bergs) in lemma Bergehoeze oonder plaetsje mótte behaowe. Of sjrief v'r noe överaal de plaatsjname vólges de officieel sjpelling? Mich makt 't neet oet mae v'r mótte waal èng lien trèkke tuunks mich.--Mergelsberg 29 sep 2009 13:17 (CEST)

Betsehaove is Gölpesj, in Wielder en ömliekende dörper is 't Baetse(n)haove en ich ving waal dat d'r naam gebroekt mót waede wie luuij 'm zelf oetsjpraeke. Bv. Mestreechse wandelaere zèkke Beértsehoove. Orchideën is gei dialect woeëd, daorum höb ich gemènkt 't orginele te gebroeke. Dees blómme höbbe bie ós d'r naam van Hennekeskroed of Sjtandelblómme.

In Wielder zèkke ze Göllepe, tèrwiel ze in Göllepe, op de ,,komborden Gullepe höbbe stao, wat mieë op hollènjs geliekt dan op plat, ze gebroeke dao toch ouch neet 't Wieldesje en ouch dink ich 't in gans Limburg gebroekte Göllepe. 'T is natuurlik sjoeën went alles ei bietje geordend wuuëd, mè v'r kinne toch neet oos eige dörp d'r naam gaeve wie mè ós 2 of 3 km wieërop neumt. Zoeë höb ich gevónge in de namelies Ëetenaken, terwiel 't al ieëwe lank Aetenake heisjt.

Zeet geer zelf van Beertsenhove? Dan kènne v'r dae naam aanpasse. Meh alle versies van Betsehaove, Bètsehaove Baetsehaove en Beertsenhove kómme allenei bie 't zelfde artikel oet! Umdat ederein 't andersj oetsjpriek. Lèt waal de ae ies de lank oetgejsproke è (van zaeg dus). De plaatsname hie op wikipedia sjtoon volges [de officeel lies van plaatsname in Limburg], meh Betsehaove (gehuch) sjteit dao officieel neet bie, dus dat zou v'r kènne aanpasse. Eëtenake sjteit waal zoa gesjreve in die officieel lies. Van Aetenake zal iech 'ne redirect (doorverwiezing) make. Gullepe op de komborde ies dus eigelik fout, meh umdat Gullepe d'r noe einmaol opsjteit weurt dae naam waal neve Gulpe gebruuk in 't betreffende artikel. Zoa zègke ze in Valkeberg eigelik Vallekeberg meh officieel gesjreve es Valkeberg. Wiejer moete artikele neutraal gesjreve zin veur in 'n encycloedie (dus gein: "prachtig" en "ei plaetje" enz.) Bedank trouwens veur die 2 platte name veur de orchideë, iech verzamel nl. die volksname en höb al 'n lies van diek 500 Limburgse Volksname van plante Maog iech de Latiense naam / name daovan ouch weite? --Aelske 6 nov 2009 19:27 (CET)

Hennekeskroed en Sjtandelblómme zunt van 't geslach Dactylorhiza en waede zoeë genumt nao de vingervörmige wortele; ei henneke.Ze zunt van 't gesjlach Dactylorhiza nl.Orchis fuchsii(bos),Orchis maculata(gevlekte),Orchis incarnata(vleeskleurige),en Orchis majalis(breedbladige). De twieë lètste höbbe ouch nog d'r naam van Sjtandelblómme, die woeëte zoeë genumt durch de boere, woeërum? Gruijde de twieë ieësjte op versjillende saote grónd de angere alléng in nate huijweije in de baende. Rónd Baetsehaove in de jaore rónd vieftig waore plekke die in Mei-Juni paars gekleurd waor. Bie 't aafdoeë in d'r huijtied waore 't mieë orchideë es graas. D'r naober/boer zag dat 't hieël good voor waor vuuëral vuuër de mèllikkuij. Ich verzamel auch name van plante en dere in 't plat, went d'r wilt kinne vieëer toesje,ich höb t'r auch nógal get. 'n vraog,kin ich auch zelf 'n foto plaatsje bie Baetsehaove?

bedank veur de oetlèk. 'n Foto kènt upgeload were, door links in de navigatiekolom (onder gereidsjapskis) op "upload" te duje en dan de besjtandsnaam van de foto in te vulle. Waal {{GFDL}} daobie vermelde, dat wil zègke dat se de foto vriegeufs onder die condities. (effe naokieke). Ièrsj moes se diech waal, es gebroeker, aanmelde (gans rechs bove). groete --Aelske (euverlègk) 20:19, 7 November 2009 (CEST)