Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


D'n ergatief is 'ne naomval dee in sommege taole veurkump. Heer gief d'n agens aon, ofwel 't oonderwerp vaan euvergaankeleke werkwäörd. Miestens gief 't daan 'nen aandere naomval, d'n absolutief, veur 't oonderwerp vaan ooneuvergaankeleke werkwäörd plus 't lijend veurwerp. In tegestèlling daotege stoon accusatief taole wie 't Limbörgs, die eine naomval veur alle soorte oonderwerpe höbbe. In e hemfelke taole geit 't weer aanders: dao gief 't neve d'n ergatief 'nen intransitief (veur 't oonderwerp vaan ooneuvergaankeleke werkwäörd) en 'nen accusatief (veur 't lijend veurwerp).

In ergatief taole weurt d'n absolutief aongeveuld es de neutraolste vörm. Es gevolg daovaan weurt krijg d'n ergatief 'nen oetgaank en d'n absolutief dèks neet. In 't Baskisch weurt beveurbeeld gezag Martinek Diego ikusi du 'Martin heet Diego gezeen', boebij Martinek in d'n ergatief steit.

Sommege taole höbbe gesplete ergativiteit, wat wèlt zègke tot d'n ergatief allein in bestumde gevalle optreujt. In zoe'n taole kin 't veurkoume tot de vörm vaan d'n ergatief in aander zinsconstructies in 'n aander functie optreujt.

Me moot d'n ergatieve naomval neet verwarre mèt 't ergatief wèrkwoord.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ergatief&oldid=447563"