El Greco

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Portret door El Greco: meugelek e zelfportret, meugelek evels e portret vaan 'nen anonieme maan

Domḗnikos Theotokópoulos (1 oktober 1541 - 7 april 1614; Aajdgrieks: Δομήνικος Θεοτοκόπουλος), beter bekind es El Greco (Spaons veur De Griek) waor 'ne Kretaonse sjèlder dee 'nen toenaongevende kunsteneer woort vaan de Spaonse Renaissance en 't Italiaons Mannerisme. El Greco waor 'ne bijnaom, mer de arties zelf signieerde zie wèrk meistes mèt ziene ganse geboortenaom in 't Grieks alfabèt, dèks daobij touwveugend 't woord "Κρής" (Krḗs), wat "Kretaon" meint.

El Greco zien dramatische en expressionistische stijl woort oontvaange mèt verwarring door zien tiedsgenote. 't Wèrk kroog pas riechtege apprèciatie in d'n twintegste iew. El Greco weurt door väöl modern kunsteneers gezeen es 'ne rivvelutionair dee zienen tied wied veuroet waor, en eigelek beter pasde binne sjaol vaan 't expressionisme en cubisme. Sceptici beargumentere evels tot El Greco gewoen 'ne slechte Renaissance-kunsteneer waor, dee ziech perbeerde te hawwe aon de strenge reigels vaan de klassieke sjèlderkuns mer tot 't häöm sömpelweeg neet lökde um dat te doen.

• 
  Dormitie vaan de Maog (véúr 1567), woersjijnlek in zien laot-Kretaonse periood, wie heer ziech nog hendeg basseerde op pos-Byzantiense kuns, mer ziech ouch al leet beïnvlooie door Italiaons mannerisme
• 
  Oontmaskere vaan Zjesus (1577-1579; in vaan zien bekènste wèrke)
• 
  Eupening vaan de Viefde Zedel (1608–1614)]]