Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Eechelgraas.

Eechelgraas of weibótterbloom (Ranunculus flammula) is 'n bótterbloom oete ranonkelfemielje (Ranunculaceae). De plantj kump veural veur op vöchtige, dratsjetige plaatse. Ze haet inkelveljige blajer en klein gael blome die betrèkkelik bleik zeen. De stengele zeen rechstäöndj of ligkendj, mit reut. Eechelgraas is vergiftig enne smaak is sjerp dore stof anemonol, det ouch veurkump in anemone. Dees stof tas 't sliemvlees aan wen 't vers wuuertj gaete. Eechelgraas wuuertj denouch vermi-jje door 't vieë.

De blome van 't eechelgraas zeen bleikgael en glanzendj en höbben 'n doorsnit van 0,8 toet 2 cm. De plantj haet vief kroeanblajer en vief kelchblajer. Boetedet haet ze väöl maeldräöj. De bloomssteel is gegreuf. De bleujwies is alleinstäöndj of sjermvörmig enne bleujtied löp van mei of junie toet inne herfs. 't Ungelste blaad is lankwirpig of eiróndj; 't bäövelste blaad is lancètvórmig en óngesteeldj. De plantj druueg ónbehaordje doepvröchte.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Eechelgraas&oldid=415852"