D'n Echterbós

Dit artikel is gesjreve (of begós) in 't Echters. Laes hie wie v'r mit de versjillende saorte Limburgs ómgaon.

---

De ligking van d'n Echterbós in de gemeinte Ech-Zöstere. Road is 't gehuch; raos is de wiek.

d'n Echterbós is e gehuch en 'n gelieknamige wiek in de gemeinte Ech-Zöstere, gelaege in de streek Midde-Limbörg. Toet 2002 waas d'n Echterbós 'n óngerdeil van de gemeinte Ech.

De wiek d'n Echterbós ómvatj naeve d'n Echterbós ouch de gehuchte D'n Deelgaard en Pötbrook.

De oarsprunkelike woankern d'n Echterbós is veur praktische raejene in twieë gesplits ein besteit noe oete gehuchte Anen Echterbós en d'n Echterbós zelf. 't Noe kleinder gehuch d'n Echterbós vörmp same mit d'n Deelgaard en Pötbroek de wiek d'n Echterbós, die vèltj ónger de poskode van d'n Deelgaard, mer 't gehuch Anen Echterbós vèltj ónger de poskode van De Boesj en is daoróm aan die wiek toegeveug.

• 
  Ingangssjild van d'n Echterbós (in de wiek d'n Echterbós)
• 
  Ingangssjild van Anen Echterbós (in de wijk de Boesj)

Naamgaeving

't Gehuch haet ummer d'n Echterbós geheite. De ieëste, echte benaming van de plaats en de beweuning is óntstange bie 't grenskantoar "Aan Kantoar". De plaatsnaam d'n Echterbós kump al veur in de voukstèlling van 1840.

Ligking

't Gehuch d'n Echterbós ligk zeve kilomaeter van Ech en eine kilomaeter van d'n Deelgaard aaf.

Statistische gegaeves

In 1840 haw 't gehuch d'n Echterbós óngevieër 27 hoezer en 144 inwoaners. Allewiel haet d'n Echterbós óngevieër 40 hoezer en 100 inwoaners.