Dwayne Verheyden

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Dwayne Verheyden (4 september 1991, Mofert) is 'ne Nederlandjs Limbörgse zenger en akkordionis in 't genre vanne tejano (Tex-Mex). Hae luuetj zich veurnamelik inspirere door Flaco Jiménez en speeltj juus wie dem oppe diatonische knoepakkordion.

Op 11 november 2007 wón d'r de Sjeng, 'ne pries dae in Mestreech wuuertj oetgegaoven aan hieël getalenteerdje akkordionisten oet Limbörg (opkómmendj talent). Saer 2009 speeltj t'r mit ziene begeleijingsband The TexMeXplosion. Dwayne Verheyden haet twieë cd's oetgebrach óngere naam "Dwayne Verheyden & The TexMeXplosion": Dwayne & the TexMeXplosion in San Antonio en Conjunto Tracks (2012). In 2014 wón d'r de prestigieuse Tejano Music Award.

In mieërt 2015 is zien litste cd, Desde Holanda, oetgekómme. Op dees cd staon ouch veur 't ieës nómmers die Dwayne Verheyden zelf haet gesjreve.

't Rippertwaar van Dwayne besteitj veurnamelik oet covers oet Texas en Mexico, mer hae haet ouch e paar eige nómmers.

In 2019 vertróch Dwayne nao Amerika veur dao zien carrière op te boewe; in Mexico kreeg t'r e platekóntrak.

Discografie bewirk

  • Dwayne & the TexMeXplosion in San Antonio
  • Conjunto Tracks (2012)
  • Desde Holanda (ónger "Dwayne Verheyden", 2015)

Brón bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Dwayne_Verheyden&oldid=456380"