Choice for a lost generation ?!

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Haorsters, es te dit dialek sjpriks.

Choice for a lost generation ?! is 't twiede volweerdeg album vaan de Haorster punkband de Heideroosjes. 't Kaom oet in 1994, es opvolger vaan Noisy fairytales.

De formuul is gooddeils 'tzelfde gebleve: korte, neet al te lestege punkleedsjes, gooddeils in 't Ingels. Opvallend zien miejer leedsjes boe-in kritiek op 't christendom weurt gelieverd. Twie bekinde leedsjes vaan 't album zien evels in 't Nederlands: "Goede tijden, slechte tijden", d'n insegste single vaan 't album (en d'n ierste vaan de band), en "Tering tyfus takketrut". Dit lèste nommer zouw 'ne groete favoriet bij livekonzèrs weure. Ouch de naom vaan 't volgend album (Fifi) en de naom vaan e book euver de band (De Heideroosjes: een teringtyfustakkeband) waore touwspeulinge op dat leedsje. Op 't dobbelalbum Ode & Tribute oet 2009 woort 't zelfs twie kier gecoverd.

't Album heet gein hitlieste gehaold.

Späöllies

Listen to the Pope 3:03
Not mad (fucking angry!) 2:41
Suicide 3:22
The granny got 'm drunk 2:48
Goede tijden, slechte tijden 2:10
Can't find my brains 2:18
Winter wonderland 3:08
My name is Jesus 3:17
Tering tyfus takketrut 1:28
Mom and dad created a monster 2:40
Don't know where to go 2:40
Igor slaat nergens op! 0:11
Why am I? 2:10
Da doo ron ron (Spector, Barry, Greenwich) 2:05
I am, you are 3:52

De nommers zien vaan de band, boete track 14.