Bodensee

(Doorverweze van Bodenmeer)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De Bodensee
Ligking vaan de Bodensee

De Bodensee (ouch wel Bodenmeer, Meer vaan Konstanz; in 't Ingels: Lake Constance) is e meer bestaond oet drei deile: de Obersee (Bovemeer), de Untersee (Oondermeer) en 'n verbindend stök Rien, wat me de Seerhein neump. De Bodensee ligk op de grens van Duitsland, Oosteriek en Zwitserland, kortbij de Alpe. De Rien struimp in 't zuidoeste 't meer in en struimp oet de Untersee in 't weste weier en is de belaankriekste bron die 't meer völt.

't Meer is zier belaankriek veur de drinkwaterveurzening vaan Zuid-Duitsland.

Besjrieving bewirk

De Bodensee is 't op twie nao groetste zeutwatermeer vaan Centraol Europa, nao 't Balatonmeer en 't Meer vaan Geneve. 't Is 63 km laank en op 't breidste punt bijnao 14 km breid. 't Heet 'n oppervlaak vaan ongeveer 571 km² en ligk 395 m bove zieniveau. 't Deepste punt is 252 meter in 't ooste vaan de Obersee. 't Meer bevat zoe'n 48,5 km³ water.

Oontstoon bewirk

't Meer is oontstande in de lètsten iestied en is gevörmp door de Rien Gletsjer. De ierste melding vaan 't meer kump vaan de Romeinse geograaf Pomponius Mela in 43 AD.

Naom bewirk

d'n Duitse naom Bodensee kump vaan 't pläötske Bodman, zoe'n 8 km noordwestelek vaan Konstanz. D'n Ingelse naom kump vaan de plaots Konstanz, die op de zuidoever vaan 't meer ligk.

Eilande bewirk

In 't meer ligke 'n aontal eilande, boevaan Reichenau, Lindau en Mainau de groetste zien. Mainau is door häör eigenere, de femilie Bernadotte, ingeriech es toeristische attractie: 't is ei groet park mét väöl buim en plante en blómme.

Stei bewirk

Belaankriekste stei en pläötskes aon 't meer zien Konstanz, Friedrichshafen (Zeppelinmuseum), Meersburg (2 kastiele), Unteruhldingen (paolhoesmuseum), Lindau (allemaol in Duitsland), Bregenz (Oosteriek), Stein am Rhein (Zwitserland). Get weier vaan 't meer ligke Salem, mèt 'n cisterciënzerabdij boe noe 'n privèsjaol in is gevesteg, en Heiligenberg (mèt Schloss Heiligenberg) (allemaol in Duitsland) en Schaffhausen in Zwitserland, mèt de waterval Rheinfall.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bodensee&oldid=409739"