Biezehoof

Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Sjènnes, es te dit dialek sjpriks.

---

D'r Biezehoof is 'n gesjlaoëte carréboerderiej gelaege in de Limburgse gemèngde Zitterd-Gelaen. D'r Biezenhoof liekt an d'r voot van 't dörp Zjweikese oonderaan d'r Zjweikeserberg midde in de moerassige wèjje van 't dal óp d'r westeleke oever van de Gelaenbaeëk.

D'r Biezehoof óp 'n Tranchotkaart (1802)

De landerieje die töt d'r haof behoeërte loge ten westen van de baeëk tössje Eijsenderhoof en Nirbik. Ten ooste van de Gelaenbaeëk loog d'r Biezeberg: de akkerlande op d'r hövel behoeërte töt d'r Biezehoof.

Historie

De vreugste vermelding Biezehoof sjtamt oet 1259. In dat jaor waoërt e sjtuk landboewgroond mèt hoes verkóch dör vrouwe Aleidis es weduwe van Willem van Beekhoven, d'r voogd van Baeëk an de Duutsje Orde ooch wal Teutoonse Orde geneumd, die dao 'n commanderiej ofwaal e ridderhoes vestigde. Dès commanderiej Klèng Bieze makde deel oet van de balije van Alden Biesen te Bilze óp 't Belsj.

Dès Klèng Bieze ofwal Biezehoof functioneerde bies 1468 es ridderhuis, de plaatsj oeë d'r commandeur verblaef en z'n ridders aansjtuurde. Roond 1360 waoërt in Mestreech de Nuuj Bieze, 'n nuuj commanderiej gesjticht die an 't èng van d'r vieftieënde ieëw de functie van de Klèng Bieze zów övernaeme.

In 2004 vertrèkt d'r lètste bewoner en in 2006 waoërt gesjtart mèt 'n groeëte restauratie van dèze haof.

Allewiel haat d'r Biezehoof 'n horecafunctie kraege en is ingebed in de wandelwaeg in 't Laandsjapspark de Grave.