Bestuurleke indeiling vaan Portugal

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

De bestuurleke indeiling van Portugal in distrikte is pas sinds 1976 zoewie ze noe is. In dat jaor woort de indeiling vaan 't Portugees vasteland in 11 provincies vervaange door 'n indeiling in 18 distrikte (distritos) en twie euverziese otonoom regio's (regiões autónomas). De distrikte zien aofgeleid vaan de provincies, woebei sommege provincies in twie oongeveer gelieke deile zien verdeild. De distrikte zien opgedeild in 308 municípios of concelhos, die weer opgedeild zien in 4200 freguesias. Município weurt dèks mèt gemeinte vertaold, mer ouch de freguesias met hun eige bestuur höbbe kinmerke vaan 'n gemeinte.

Distrikte (sinds 1976)

Distrikte vaan Portugal.

Portugal kint sins 1976 achtien distrikte en twie otonoom regio's (de Azore en Madeira) mèt aon 't hoof 'ne beneumde gouverneur.De distrikte vörme de belaankriekste bestuurslaog.

Lissabon Leiria Santarém Setúbal Beja Faro Évora Portalegre Castelo Branco Guarda Coimbra Aveiro Viseu Bragança Vila Real Porto Braga Viana do Castelo Otonoom regio's: Azore Madeira

Provincies

In 1936 is Portugal langs min of mie netuurleke grenze oonderverdeild in 11 provincies. Ouch al is de verdeiling achterhaold, väöl Portugeze veule ziech nog ummer inwoener vaan ein vaan dees provincies:

Algarve Alto Alentejo Baixo Alentejo Beira Alta Beira Baixa Beira Litoral Douro Litoral Estremadura Minho Ribatejo Trás-os-Montes e Alto Douro