Basiliek (ièretitel)

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

'n Basiliek, 't woord kump van 't Griekse basilica (wat keuninklik beteikent), waor oarsjprónkelik 'n geboew mèt de functie van rechplaats of woa mert woort gehoute. Saer de 4e ièw weurt de naam gebruuk veur 'n type christelike kèrk. Eigelik geit 't hie um eine ièretitel dae door de paus weurt toegekènd aan kèrke die gezeen waere es 'n religieus centrum. De paus bevestig dit door 't verliène van de titel.
Basilieke zint (binne) te herkènne aan 't conopeum ('ne gesjtreepde parasol) en aan 't tintinnabulum ('n tumpklökske)

Basilicae major

V'r óndersjeije 'n basilicae major en 'n basilica minor. De majores zint de 4 aartsbasilieke, die alle veer in Roame liegke: de St. Pièter, de St. Paulus boete de Moere, de Sint-Jan van Lateranen en de Santa Maria Maggiore.

Basilicae minor

Bie ander veurbeelde geit 't um 't minortype. Veurbeelde zint: de SleveVrouw van 't Heilig Hart in Zittert (ièrsjte basiliek in Nederland), de SleveVrouw in Mestreech, de Sint Servaos in Mestreech, de Heilig Blood-kèrk in Meersje, de abdijkèrk van Val Dieu, SleveVrouw in Sjerpenheuvel, de romaanse kèrk gewiejd aan de heilige Wiro, Plechelmus en Otgerus inSint Odiliënberg en saer 2007 de Amalbergakèrk in Zöstere.

Boewkunde

De basiliek ies ouch 'n bepaalde boewkundige vörm.

Externe link

Lies van basilieke op de Nederlandse wikipedia [1]