Baovetoeënzaank
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Baovetoeënzaank, (Mongools: khuumi) ooch kaelzaank geneumd, is 'ne o.m. in Centraal-Azië ontwikkelde zangtechniek. Mèt name Mongolië en de Russische deelrepubliek Tuva zeunt bekaand öm de kaelzengers.
Dör bewust gebroek te make van formante is 't mäögelèk öm naeve d'r dör de sjtèmbande veroorzaakte groondtoeën, de baovetoeëne - bie zang ömmer harmonisch - daovan zoe te versjtaerke dat'r es 't woeëre 'ne extra miensjeleke sjtèm ervare wert.
Dör beväörbeeld 'ne (lieëge) toeën te zinge en d'r moondsjtaand te verendere: oe – oo – uu – eu – ie huurt me bie 'ne geliekblievende groondtoeën 'n sjtijgende melodie. Baovetoeënzaank vrögt väöl oefening, sjtèmbeheersing en concentratie. Bie 't baovetoeënzinge mot me zinge vanoet z'ne rugk, oeëbie 'n zieër oontsjpanne houding en 'n good contact mèt d'r groond belangriek is. Baovetoeënzinge wert väöl gebroekd in combinatie mèt klanksjale.
Jodele
bewirkBaovetoeënzaank mot neet verward waeëre mèt jodele, 'ne zangtechniek dae gebroek makt va registerwisselinge m.a.w. 'n flot översjakele va baoërsj- nao kopsjtèm en truuk.
Veurbeelde
bewirk- Christian Zehnder van 't Zwitserse duo Stimmhorn gebruuk zowel bovetoeënzaank es jodeltechniek in zien optrejjes (zuug hei veur geluidsfragminte).
- D'r joik van de Saami kenmaerkt zich dör baovetoeënzaank.
- Stefan Schwietert regisseerde d'r film Heimatklänge oeëin Christiaan Zehnder zien muziekroots oonderzeukt. Info Heimatklänge op IMDB