Babbelaer

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

'ne Babbelaer (Nederlandjs:snoepje, Èngelsj: candy) is ein in Limburgse dialekte väöl gebruuk woord veur sjlókgood, meistal gemaak mèt sókker es hoofbesjtanddeil.
't Verkleinwoord veur 'ne babbelaer is ein bebbelke.

Besjtanddeile

Väöl babbelaere, zoaes zuurtjes en drop, zint gemaak op basis van gelatine wo Sjmaak- en kleursjtoffe aan waere toegevoog óm ze baeter te laote sjmake of óm ein bepaolde kleur hiejaan te gaeve.

D’r besjtaon ouch babbelaere zónger sókker, dit sjlókgood is bedoeld veur diabetespatiënte (sókkerkrenkde) of luuj die aan de lien doon mer toch gaer sjlókke. Ómdat normaal in babbelaere gelatine zit, zint die neet gesjik veur vegetariërs en/of veganiste. Hiejveur besjtaon aevel al alternatieve op basis van biejewas, mer veganiste preferere meistal get wo op gaar gein dere veur zint gebruuk, dus ouch geine biejewas (agar beveurbeeld).

De volgende babbelaere kènne waere óngersjeije:

Etymologie

't Wirkwoord babbele is ein Middenederlandjs woord en is eine iteratieve vorm van babbe wat beteikent de kake bewaege. Biej 't sjlókke van eine babbelaer gaon de kake ouch meistal op en neer. In 't Frans besjteit 't woord babiler wat ouch babbele beteikent. Hiejvan is waarsjienlik 't Èngelsj woord babble aafgeleijd wat ouch babbele of gebabbel beteikent. Op 't Duutsj geuf 't dan ouch nog 't woord pappeln mèt dezelfde beteikenis.
Emes dae gaer en väöl praot wirt meistal eine bebbelaer geneump (sóms ouch waal kwebbelaer). Dit woord is aafgeleijd van babbelaer. De móndj van zoa emes wirt eine bebbel geneump, de bezigheid wirt gebebbel geneump.