Bós
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Bós of boesj is 'n begreujing die veurnamelik besteitj oet buim, hieónger greujen ouch plantje wie mosse, graas, blomen en struuk. De kroedlaog is de laog mit plantje die neet hoger waeren es 135 centimaeter enne struuklaog is de laog mit plantje die tösse de 135 en 800 centimaeter hoeag waere. Baove de 800 centimaeter hètj 't de boumlaog. 'ne Bós hètj officieel zoea es 63% vanne ruumdje begreudj is mit boumtuup (es gezeen vanoete lóch).
In 'ne bós kómme ouch groeate grazers veur; dees bieëster helen 't aop gebied aop toetdet stekelige begreujing wie de brieëm enne meidäören opkómme; eikele waeren ane róndj dore eiketse verstaoken es wintjervoor. Sómmige eikelee waere neet mieë trögkgevónjen en zoea óntstaon nuuj buim, wodoor 't bós kan oetbreie.
Wen me 't euver modern netuuróntwikkeling haet, den guuef 't perduksjebósse (veur 't hout) en netuurperjèkte, wie de Mienwaeg. Bieje litste wuuertj weinig óngerhaad verrich en koum toet neet buim aangeplantj en theoriejen euver wie 'nen oerbós óntsteitj waeren inne praktiek gebrach.
In troeapische klimate guuef 't troeapische raengerwajer. In Nederlandj maak me meis óngersjied tösse loufbus, naoljbus en gemingdje bus.
Trivia
bewirk- De term "boesj" geldj ouch es e synoniem veur 'n óntoegenkelik, aafgelaenge gebied.