Apenniene
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
De Apenniene (Italiaans: Appennini) zing e gebirgde in Italië. De bergkete begint i Ligurië, in 't noardweste en indig i Calabrië, 1.350 kilometer zujeliger. De Apenniene sjtrekke zich dös oet uëver 't ganse Italiaanse sjiereilank. I Ligurië en Calabrië ligke de berg va dees bergkete aa g'n Ligurische- en g'n Tyrreense Zieë en guëf 't zier sjteil aafdalinge. I de regio's Marche en Abruzze ligke de Apenniene aa g'n Adriatische Zieë en loop 't gebirgde geleidelig aaf richting zieë. De Apenniene berieke hun hoeëgste punt i g'n letste regio. D'r Corno Grande is hei mit 2.912 meter 't hoeëgste. Hei ligk óch d'r zujeligste gletsjer van Europa.
De Apenniene ligke óp g'n plaatgrens tussje de Euraziatische plaat en g'n Afrikaanse plaat. De Afrikaanse plaat beweeg zich i noardelige richting en bots vervolges mit de Euraziatische, oeëdurch gebirgdevörming óntsjteët. Óp dees wies zing beivuurbild óch de Alpe en de Pyreneje óntsjtange.
