Anneke Ubaghs-Cobbenhagen
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Anneke Ubaghs-Cobbenhagen (1903 - 1975) waor ein diechteres en sjriefster oet Valkeberg. Zie publiceerde gediechte in 't Valkebergs en eine roman, De Heuvelhoeve, in 't Nederlands. Ubaghs-Cobbenhagen publiceerde in versjillende tiedsjriefte, wie Veldeke, Het land van Valkenburg en Geulrand. Ouch woorte gediechte van häör opgenómme in de Valkebergse bloomlezing Rierank. Häöre diechbundel Noe wol iech dat iech sjild're koes versjeen in 1972.
In 1967 waor zie ein van de initiatiefnummersj veur de opriechting van de Veldeke-krink Valkeberg. Van deze krink waor zie jaorelank secretaris.
In 1977, twiè jaor nao häöre doad, woort e portrèt van häör en van häöre levesgezel van de lètste jaore, Karel Dorren, in de Valkebergse Gemeintegrot ónthuld, gemaak door de grotteikenaer Albert Widdershoven.
sjtäölke bewirk
"dan kump de kou mèt wind en règesjtörme
en biet ziech in de aerd en klauwt ziech vas
meh wat liek ingebèd ónder 't louver
haet van diet alles neet de minste las"
oet e Sjprenkse hoop, Noe wol iech dat iech sjildere koes 1972
brónne bewirk
- Rierank, klankrieke róndgank door de krink, oetgaaf Veldeke Krink Valkeberg, 1992
- veldeke-valkeberg.nl
