Ancien régime

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

---

Mit 't ancien régime (Frans veur "aad besjtuur") weurt 't door 't Hoes Bourbon op absolutistische meneer geregeerdje Frankriek van veur de Franse Revolutie van 1789 gemènd. Mit de term "ancien régime" weurt daonaeve ouch de periode gemènde oet de Europese gesjiedenis die begint aan 't ènj van de Middeleve en ènjig mit de Franse Revolutie. Es dusdanig is 't e substituut veur "Vreugmodernen Tied", 'n periode in de Europese gesjiedenis die löp van ca. 1450 tót ca. 1800.

In Nederlandj en Belsj weurt mit "ancien régime" meistes de institutioneel organisatie gemènde die nao de Franse invasie van 1794-1795 en de oetroping van 't Bataafs Republiek waerde opgehöf. Dees adminisjtratieve en rechterlike insjtèllinge vónje häör reut väölal in 't feodalisme van de Middeleve, óndanks det al belangrieke hervörminge wore doorgeveurd in d'n achteenden eew (nag bepaolder tiedes de Oosteriekse periode in de Zudelike Nederlenj).