Dit artikel is gesjreve (of begós) in 't Zittesj. Laes hie wie v'r mit de versjillende saorte Limburgs ómgaon.


Mit absolutisme wurt 'n vórm van regeiring gemeind wo de keuning zo goud es alle mach in hènj haet. Men zag dat de keuning de mach van god haj gekrege en taege de wil van de keuning koosj dus neit waere ingegange.

Historie bewirk

't Absolutisme kens se veural truuk vènje in laat middeleeuws en vruig modern Europa, van 1500 pès de Franse Revolutie in 1789. Absolutisme kwaam op róndj 1500, veur dea tied ware lènj es Frankriek veural geregeird door de versjillende grave en landjhere en waar d'r in plaatsj van absolutisme feodalisme. Vanaaf 1500 wóste de keuninge sjteeds meer mach nao zich toe te trèkke; 'n bekènd absolutistisch vórs waar Lewie XIV van Frankriek. Dees óntwikkeling van feodaal sjtaot nao absolutistisch regime ging door pès de Franse Revolutie. Nao de Franse Revolutie woort Frankriek echter weiër 'n keuninkriek en in de 19e eeuw woorte door versjillende revoluties in Europa absolute keuninge aafgezat of hun mach gebónje aan gróndjwèt of parlement.

Ein van de lèste veurbeelde van een absolutistisch vórs waar Nicola II van Ruslandj dae zien mach op moosj gaeve aan de communiste nao de Russische revolutie in 1917.

Historicus Lord Acton sjtilde dat luuj mit absolute mach altied corrup weure en dat dit de reie is worum me taege absolutisme zou moete zin.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Absolutisme&oldid=450513"