Alkalimetaal

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De alkalimetale vörmen 'n groep aan sjemische elemente die gemein höbbe det häör elektronconfiguratie [X]ns¹ is, wobie [X] veur 'n aedelgaas steitj. 't Butelste s-elektron is neet biezunjer sterk gebónje en daoveur verluus 'n alkalimetaalatoeam mekkelik 'n elektron óm 'n einwaerdig kation te vörm. De ganse sjemie van dees groep wuuertj daodoor behieërsj.

M => M⁺ +e^-

De metale zeen daoveur oetstaekendje reductoren en biezunjer ónaedel. Häör zate zeen euver 't algemein good oplosbaar in water. De metale zelf zeen oetstaekendje geleiers die van alle metale 't ideaal van 'ne vrie-elektrongeleier mit 'ne parabolische bandj 't kórts genieëke.

Waterstof nump 'n speciaal plaats in,, ómdet 't gein bereikbaar p-golffuncties bezitj. Toch wuuertj waterstof meistes toete alkalimetale geraekendj, mer 't kan zich sómtieds ouch es 'n halogeen gedrage. 't Is beveurbeildj e twieë-atoeamig gaas, trótsdet 't bie hoeag drök waal e metaal kan vörme.

Sjema

Hie-ónger volg e sjema mit alle alkimetale.

1
H

3
Li

11
Na

19
K

37
Rb

55
Cs

87
Fr