Alexander Skrjabin

Russische componis en pianis

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Alexander Skrjabin
Gebore 6 jannewarie 1872
Gesjtorve 27 aprèl 1915
Landj Russisch Keizerriek
Sjtielperiood romantiek, impressionisme, modernisme
Belankrieke genres orkesmeziek, pianomeziek
Invlood van Frédéric Chopin, Nikolaj Rymski-Korssakov, Richard Wagner, Franz Liszt
Invlood op Sergej Prokovjev, Igor Stravinski, Dmitri Sjostakovitsj
Lies van componiste

Aleksandr Nikolajevitsj Skrjabin (Cyrillisch Алекса́ндр Никола́евич Скря́бин; 6 jannewarie 1872 (A.S.: 25 december 1871) - 27 aprèl (A.S.: 14 aprèl) 1915) waor 'ne Russische componis en pianis. Heer waor aofkomsteg oet 'n groetbörgerleke femilie mèt 'n militair traditie meh melde ziech oetindelek op 't conservatorium aon. In 't begin maakde heer veural naom es pianis (in de regel vaan zien eige werk). Nao 'n vaste aonstèlling aon 't conservatorium begós heer mie veur orkes te sjrieve. Tösse 1903 en 1910 woort ziene stijl lankzaamaon moderner, tot heer oetindelek bij 'ne zwoer dissonante en chromatische stijl oetkaom dee in de buurt vaan de atonaliteit kump. Ouch kraog heer ummer mie mystieke intrèsses, die oetindelek culmineerde in 'ne flirt mèt de theosofie. Bij zienen doed waor heer bezeg aon 't Mysterium, e meziektheaterwerk wat zeve daog zouw mote dore. Naotot 'r op 43-jaorege leeftied storf, bleef ziene meziek veural in Rusland resp. de Sovjet-Unie populair, al woort 'r vaan tied tot tied wel es 'decadent' in de ban gedoon.


  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Alexander_Skrjabin&oldid=434113"