KLM

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.

---

Vlegere van de KLM op Sjiphol

De Keuninklikke Lochvaart Maatsjappiej KLM is opgerich op 7 oktober 1919 door Albert Plesman. ‘t Is de aajste lochvaartmaatsjappieje die noe nog besjtaon. De thoesbasis van dees Nederlandse nationale maatsjappiej is Sjiphol. KLM kintj versjillende divisies: KLM, KLM Asia, KLM Cargo en KLM Cityhopper. Noe is dees Maatsjappiej gefuseerd mit de Air France en hétj 't concern KLM-Air France.

Sjlummigheidje

KLM ASIA waerdje in 1995 opgerich mer is noe eigelik neet meer neudig. Det deej men om op Taipeh en Taiwan te kinne vleege, want in dae tied goof de volksrepubliek China gein lanjingsrechte aan maatsjappieje die ouch op Taiwan vlooge. Door dees construksie koste waal vluchte nao Taiwan waere oetgeveurdj.

De vleegtuuge van KLM

A330-200, A330-300, B737-700W, B737-800W, B737-900W, B747-400, B747-400M ('n aantal van KLM ASIA), B747-400ERF (KLM Cargo), B777-200ER, B777-300ER,B787-900ER,