Dit artikel is gesjreve in 't Remunjs. Ómdat 't plaatsgebónge is, maogs doe 't ómzètte nao 't Posters, es te dit dialek sjpriks.

Kasteel Aerwinkel in 't Limburgse Postert werde veur 't eers geneump in 1544, en waas waarsjienlik ein hoeve. Wanneer 't toenmalige hoes is verdwene is onbekind.

Kasteel Aerwinkel.

In 1854 werde 't huidige landjhoes geboed door Pierre Cuypers in opdrach van P.M. Gerardts. 't Landjhoes haet de sjtatus rieksmonument. Bie 't landjhoes ligke meer geboewe die de sjtatus höbbe van rieksmonument, wo-ónger ein aaj sjuur en ein badhuiske.

Landjgood Kasteel Aerwinkel is 'n biezónjer landjgood. Neet allein 't hoes is interessant vanoet cultuurhistorisch ougpunt, maar 't haet ouch 'n biezónjer 7 ha groot park, det noe recent is opgenomme in 't EGHN, European Garden Heritage Network. Aangrenzend lik 't prachtige Munnichsbós. Der zin genóg fiets- en wanjelroutes.

Externe link bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Aerwinkel&oldid=440671"