1787
1787 (MDCCLXXXVII) waor e gewoen jaor wat begós op maondag op de Gregoriaanse kalender.
Gebäörtenisse bewirk
- 11 jannewarie - William Herschel óntdèk de eësjte tweë maone van Uranus, Oberon en Titania.
- 21 april - Burgemeister Hendrik Hooft van Amsterdam leët de tieën prinsgezinde leje oet de vroedsjap zètte.
- 1 mei - Vanoet Amersfoort wirt eine aanval gedaon op 't patriottische bolwerk Utrech.
- 13 mei - De Ierste Vloot mèt Australische koloniste vertrèk oet Portsmouth.
- 22 mei - De Rijngraaf van Salm wirt aan 't hoof geplaatsj van de patriotse milities in Utrech.
- 28 juni - Prinses Wilhelmina probeert vanoet Nijmege Den Haag te bereike óm sjteun te verwerve. Ziej wirt biej de Vlist aangehawwe en nao Goejanverwellesjloes geveurd.
- Hauf augustus - Hollandj vreug óm sjteun oet de anger geweste, ómdat Frederik Willem II, de keuning van Pruusjes en broor van prinses Wilhelmina, dreig mèt interventie, es Hollandj neet häör veróntsjöldiginge aanbeejt. In diverse sjtaej waere defensieve maatregele getróffe.
- 21 augustus - Wijbo Fijnje hilt ein reje veur de vroedsjap van Delft wo-in hae verangeringe en de vervanging van de oranjegezinde leje eis. In Delft wirt esnog ein patriottisch sjtadsbesjtuur ingesjtèld.
- Eindj augustus - Ein tieëntal patriottische Sjtateleje in Frieslandj trèk zich truk in Franeker. De sjpanning sjtieg.
- 10 september - D'r volg ein Pruusjes ultimatum van drie daag.
- 15 september – Ein Pruusjes leger trèk de sjtad Utrech, verdedig door Frederik III, bènne. De patriotte oet Utrech vluchte nao Amsterdam.
- 17 september - De eësjte constitutie van de Verenigde Sjtate in Philadelphia wirt óngerteikend.
- 20 september - Sjtadhawwer Willem V van Oranje-Nassau keërt truk in 's-Gravenhage. Prinses Wilhelmina arriveert veer daag later. Petrus Camper verwelkómp 't sjtadhawwerlik gezin mèt ein toesjpraak.
- 10 oktober - Amsterdam geuf zich euver, es lètste sjtad in Hollandj. De hertog van Brunswiek nump ziene intrèk in ein aw ketoenfebriek aan de Amstelveensewaeg en zaet toe dat hae zörg zal drage dat de wraakacties en plunjeringe zoavöl meugelik waere óngerdrök. Väöl patriotte zint óngertösje oetgeweke nao Antwerpe, Brussel en sómmige nao Frankriek. Eien ènkeling vluch richting Duutsjlandj.
- 7 november - De raodspensionaris Pieter van Bleiswijk treujt aaf.
- In de nach van 9 november op 10 november waere in 's-Hertogenbosch biej meë es 850 hoeze de vinsters ingesjlage, 250 hoeze waere ouch geplunjerd. Ouch in anger sjtaej vènje plunjeringe plaatsj.
- zónger datum
- Alle vroedsjappe waere gezuverd van patriotte, wobiej veural Amsterdam en Alkmaar waere getróffe. Jederein dae actief waas es offeseer van ein exercitiegenaotsjap of actief in ein defensiecommissie wirt in sjtaot van besjöldiging gesjtèld.
Gebore bewirk
- 16 miert - Georg Ohm, Duutsje natuurkundige
- 26 april - Ludwig Uhlandj, Duutsje dichter, literatuurweitesjapper, jurist en politicus (gesjtorve 1862)
- 18 november - Louis Jacques Mandé Daguerre, ein van de oetvènjers van de fotografie
- 21 november - Samuel Cunard, oprichter en eigenaer van de Cunard Line (gesjtorve 1865)
- 24 december - Willem van Hessen-Kassel, zoon van prins Frederik van Hesse (gesjtorve 1867)
Gesjtorve bewirk
- 5 miert - Carolina van Oranje-Nassau (44)
- 17 april - Adriaan van Campen (41), beruchte crimineel
- 28 mei - Leopold Mozart (67), Oasteriekse violist, meziekleëraar, componist
- 31 mei - Felix van Nicosia (71), Italiaanse lekebroeder en heilige
- 20 juni - Karl Friedrich Abel (63), componist van barokmeziek
- 21 juni - Jean-Baptiste Cimedart (66), Franse wiesgeer
- 15 november - Christoph Willibald von Gluck (73), Duutsje componist
Meziek bewirk
- Antonio Rosetti componeert in Wallerstein zien sjtriekkwartette Opus 6
