Ós
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'nen Ós is 'n gecastreerdj deer van 't mennelik rinjsvieëras, de stier. Ósse woorten in Midden-Europa al inne zèsdjen ieëf v.C. gebroek inne landjboew. d'n Ós is ei vanne aadste trèkdere die dore miens woorte gebroek. Al vreug deendje ze veur sleie, kerre en wages veurt te bewaegen of veur óssemeules aan te drieve.
Dore castratie woort 't meugelik de groeate arbeidskraf vanne stier veur mienselike ènj te gebroek. De dere krege d'r e geliekmeujiger karakter van wodoor ze baeter es wirkdeer wore te gebroek. Veur ósse veure ploog of veur 'n ker of 'ne wage te spanne wuuertj 'n tugaasj gebroek det kan bestaon oet e jaok det is verbónjen aan 'nen dessem.