Einhäöre

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'nen Einhäöre is e mythisch bieës det wuuert besjreve saere aadheid es e bieës mit 'ne lange, puntjige, spiraalvörmigen häören oppe veurkop.

d'n Einhäöre stóng aafgebeeldj op antieke zegels oete Induskultuur en woort geneump door sjrievers oete Griekse en Romeinse aadheid, wie Ctesias, Strabo, Plinius de Jóngere en Claudius Aelianus. Ouch de Biebel besjrief e bieës, de re'em, waat wersjienlik 'ne wilje stier of oearós is en döks foutief wuuert aafgebeeldj es 'nen einhäöre.

Inne Europese voukskultuur woort d'n einhäöre döks aafgebeeldj es e wit paerd- of geitechtig bieës mit 'ne langen häören en geklaove veut (sómtieds mit 'ne geitesik). Inne middelieëven enne renaissance woort 't gewuuenelik karakteriseerdj es 'n hieël wildj bieës oete bus, det symboeal stóng veur zuverheid en genäöjm det allein kós waere gevange door 'n maog. d'n Häöre zów vergiftig water kónne zuveren en gekrenkdje kónne genaeze. In dezen tied woort d'n tandj van 'ne narwal ('nen tandjwaalvès) sómtieds verkoch es d'n häöre van 'nen einhäöre.

Me mót d'n einhäöre neet dooreinhaole mitte pegasus ('t paerd mitte vleugele).