Zylgóldmol
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De zylgóldmol (Letien: Cryptochloris zyli) is 'n saort aan zougdere vanne góldmolfemielje. 't Bieës is inheimsj ane Weskaap in Zuud-Afrika. De saort wuuertj bedreig door 't verluus aan laefgebiede.
Zylgóldmöl laeve veurnamelik óngergróndjs. Ze höbben 'n glanzendje, toe vach en 't uterlik is vormloeas en gestroumliendj. Ze höbbe gein zichbaar ougen en oeare; ze zeen zelfs blindj enne klein ouge zeen bedèk mit häörige hoed. De oeare zeen klein en verstaoken óngere vach.
Zylgóldmöl waere zoeaget 8 toet 9 cm lank en waore 20 toet 30 g. Ze laeven inne dunen ane kös enne zenjerige gebiede die dao drek aan ligke. Meistes krieg e vruike twieë jónge de wórp, meh sómtieds ouch mer eine. Zylgóldmöl aete versjillige saorten aan óngerwerveldje. De jónge waere gebaoren in 'n óngergróndjse häöldje die is bedèk mit graas. De tunnele die ze grave bevinje zich meistes hieël kórt ane oppervlakdje.